Uchaguzi wa Jumapili ulionekana kuwa muhimu kwa nchi hiyo katika kuendeleza msukumo wake wa kujiunga na Umoja wa Ulaya. Msukumo huo ulianza baada ya Urusi kuivamia Ukraine, mwaka 2022.
Huku asilimia 95 ya kura zikiwa zimekwishahesabiwa hadi mapema leo, Chama cha Action and Solidarity (PAS), kilicho madarakani tangu 2021, kilikuwa kinaongoza kwa asilimia 48.3, huku Kambi inayounga mkono Urusi ya Patriotic ikiwa na asilimia 25.5.
Taifa hilo dogo linalowania kujiunga na Umoja wa Ulaya linalopakana na Ukraine na ambalo lina eneo linaloiunga mkono Urusi, limegawanyika kwa muda mrefu kuhusu ama kujiunga na umoja huo au kuendeleza uhusiano na Moscow ulioanzia enzi ya Sovieti.