Makabiliano kati ya jamii hizo mbili yaliyotokana na ugomvi kati ya wanawake kutoka jamii za Tama na Zaghawa mwishoni mwa wiki, yameanza tena Jumatatu, Aprili 27. Kulingana na vyanzo vya ndani na usalama, idadi ya vifo, ambayo kwa sasa ni angalau 42 waliofariki na makumi kadhaa waliojeruhiwa, inaweza kuongezeka zaidi.
Imechapishwa:
Dakika 1 Wakati wa kusoma
Matangazo ya kibiashara
Na mwandishi wetu huko N’Djamena, Nadia Ben Mahfoudh
Makabiliano kati ya jamii ambayo yamesababisha angalau watu 42 kufariki tangu Jumamosi katika jimbo la Wadi-Fira mashariki mwa Chad yalianza tena Jumatatu, Aprili 27, na kusababisha tena vifo vingi, kulingana na vyanzo vya ndani na usalama.
Wakati barabara kati ya Abéché na Guereda ikiwa imefungwa kwa muda mrefu wa siku ya vurugu, makabiliano pia yalitokea kilomita zaidi ya kumi kusini mwa mji wa Igot, ambapo mgogoro ulianza mwishoni mwa wiki.
Mzozo huo uliotokana na makabiliano kati ya wanawake kutoka jamii za Tama na Zaghawa karibu na kisima huko Djourang, katika eneo la Dar-Tama, ambapo kijana mmoja anadaiwa kumpiga risasi na kumjeruhi mwanamke mmoja, mgogoro huo uliongezeka na kuwa makabiliano ya siku tatu na athari zake zikafika kwenye kambi ya wakimbizi ya Sudan ya Iridimi.
Naibu Waziri Mkuu alizuru eneo hilo kujaribu kupunguza mvutano. Matokeo yake, idadi ya vifo —ambapo watu kadhaa pia walijeruhiwa—inaendelea kuwa ya muda katika hatua hii.
Ili kupunguza mvutano, ujumbe ulioundwa na Naibu Waziri Mkuu wa Chad Limane Mahamat, Waziri wa Jeshi Issakha Maloua Djamous, na Mkuu wa jeshi Abakar Abdelkerim Daoud, walisafiri hadi eneo hilo siku ya Jumapili, Aprili 26, na jeshi likatumwa.
Hata hivyo, baada ya utulivu kurudi, makundi kutoka jamii hizo mbili zilizohusika katika mzozo huo yalianza tena mapigano kwa kutumia silaha Jumatatu asubuhi.