Kwa mara ya kwanza baada ya miezi kadhaa, timu ya kibinadamu ya ICRC imefanikiwa kufika eneo la Minembwe katika nyanda za juu za mkoa wa Kivu Kusini, pande zote mbili za mstari wa mbele. Ili kufanikisha hili, walipata makubaliano ya amani ya kibinadamu ya siku chache kutoka kwa pande zinazopigana, na kuruhusu muda kwa msafara kufika, kufanya kazi yake, na kuondoka. Mchango wa awali ulitolewa mishoni mwa wiki hii iliyopita.
Imechapishwa:
Dakika 1 Wakati wa kusoma
Matangazo ya kibiashara
Kulingana na ripoti za awali, kile wafanyakazi wa misaada walichokiona katika eneo hiilo kinatisha: ukosefu wa chakula, kwa watu waliotengwa kuzuiliwa kutembea, na vituo vya afya viko katika hali nzito, vinakabiliwa na ukosefu wa dawa na vifaa kwa miezi kadhaa, wakati vikipokea wimbi kubwa la majeruhi kutoka mapigano.
Ili kuelewa ukubwa wa mgogoro huu, fikiria takwimu hizi: angalau majeruhi 541 wamelazwa katika hospitali tatu katika nyanda za juu za mkoa wa Kivu Kusini kwa zaidi ya miezi mitatu, huko Bukavu, Uvira, na Fizi.
Michango ilitolewa pande zote mbili za mstari wa mbele, kwa kituo cha afya cha Point-Zero, kinachodhibitiwa na vikosi vya jeshi la DRC (FARDC) na washirika wao, na pia kwa hospitali za Mikenge-Kipupu na Minembwe, zinazodhibitiwa na kundi la waasi la AFC/M23 na washirika wao. Kile timu ya ICRC ilichotoa ni vifaa vya matibabu hasa.
Wakati huo huo mashambulizi ya ndege zisizo na rubani yalirekodiwa siku ya Ijumaa na Jumamosi, haswa Rugezi.