Ufaransa itachukua hatua katika Umoja wa Mataifa kupendekeza mfumo wa ujumbe usioegemea upande wowote na wa amani ili kulinda Mlango-Bahari wa Hormuz, Emmanuel Macron ametangaza katika mahojiano na TV5, France 24, na Radio France Internationale.
Imechapishwa:
Dakika 1 Wakati wa kusoma
Matangazo ya kibiashara
“Lazima tupate uhakika wa kufunguliwa tena kwa Mlango-Bahari wa Hormuz bila masharti, bila ushuru wowote. Kwa kuvunja vizuizi vyote na, kwa kweli, kwa kufanya mazungumzo haya magumu na Iran,” alisema kutoka Nairobi, mwishoni mwa mkutano wa kiuchumi wa Ufaransa na Afrika. Alilaani “kuongezeka vita vya maeneo” kutoka pande zote mbili za Marekani na Iran.
“Kufunguliwa tena kwa Mlango-Bahari wa Hormuz ndio kipaumbele kabisa,” Rais wa Ufaransa amebainisha; lazima ifanyike “kabla ya kushughulikia masuala mengine kupitia mazungumzo.” Wakati huo huo, rais Emmanuel Macron anaamini ni muhimu kuanza tena mazungumzo “kuhusu suala la makombora ya nyuklia na balistiki kati ya Iran na Marekani,” lakini pia na nchi za Ulaya.
Zaidi ya hayo, rais wa Ufaransa ametoa wito wa “kusitishwa mapigano kikamilifu” katika eneo hilo, akiona kuwa “haikubaliki” kwamba makubaliano hayo yanakiukwa nchini Lebanon.