Chelsea inaikaribisha Liverpool leo kuanzia saa 1:30 usiku kwa muda wa Afrika Mashariki katika mchezo ambao unaonekana utakuwa wa presha kubwa kwa wageni.
Presha hiyo inayoikabili Liverpoolni kuhakikisha inapata ushindi ambao utaifanya iendelee kubaki kileleni mwa msimamo wa Ligi Kuu England (EPL) lakini pili ni kuzuia kupoteza mechi ya tatu mfululizo baada ya kufungwa na Crystal Palace katlka EPL na pia kupoteza mbele ya Galatasaray katika Ligi ya Mabingwa Ulaya.
Timu hizo zimewahi kukutana mara 66 katika Ligi Kuu England ambapo Chelsea imepata ushindi mara 22 huku Liverpool ikishinda mechi 25 na zimetoka sare mara 19.
Katika mechi tano zilizopita baina ya timu hizo, Liverpool imepata ushindi mara mbili, Chelsea imeshinda moja na mara mbili zilitoka sare.
Liverpool leo itamkosa kipa Allison kutokana na majeraha yanayomkabili na nafasi yake itachukuliwa na Giorgi Mamardashvili
Chelsea ikipata ushindi leo itafikisha pointi 11 na Liverpool ikipata ushindi itafikisha pointi 18.
Katika Uwanja wa Emirates, London, Arsenal itaikaribisha West Ham katika mechi ambayo ikipata ushindi inaweza kukwea kileleni mwa msimamo wa Ligi hiyo ikiwa Liverpool itatoka sare au kufungwa na Chelsea.
Arsenal kwa sasa inashika nafasi ya tatu kwenye msimamo wa EPL ikiwa na pointi 13.
Kwingineko, Manchester United itaikaribisha Sunderland katika Uwanja wa Old Trafford katika mchezo ambao unaweza kumnusuru au kumuweka pabaya Meneja Ruben Amorim.
Mchezo mwingine leo utakuwa baina ya Leeds United na Tottenham Hotspur.