Rais wa Misri Abdel Fattah Al-Sisi na mwenzake wa Marekani, Donald Trump, hakika wataongoza “mkutano wa kilele wa amani” huko Sharm El-Sheikh siku ya Jumatatu, utakohudhuriwa na “viongozi kutoka zaidi ya nchi 20,” ofisi ya rais wa Misri imebainisha katika taarifa yake siku ya Jumamosi.
Imechapishwa:
Dakika 1 Wakati wa kusoma
Matangazo ya kibiashara
“Mkutano huo unalenga kumaliza vita katika Ukanda wa Gaza, kuimarisha juhudi za kuleta amani na utulivu katika Mashariki ya Kati, na kufungua ukurasa mpya wa usalama na utulivu wa kikanda,” imesema taarifa hiyo, katika siku ya pili ya usitishaji vita kati ya Israel na Hamas.
Katibu Mkuu wa Umoja wa Mataifa kuhudhuria mkutano wa amani wa Mashariki ya Kati nchini Misri
Antonio Guterres atahudhuria mkutano wa kilele wa kimataifa wa amani huko Gaza utakaoongozwa na Rais wa Marekani Donald Trump na Rais wa Misri Abdel Fattah Al Sisi siku ya Jumatatu, msemaji wa Umoja wa Mataifa amesema siku ya Jumamosi.
Katibu Mkuu wa Umoja wa Mataifa atakwenda kwenye mkutano wa kilele wa Sharm El-Sheikh kwa ajili ya amani Mashariki ya Kati siku ya Jumatatu, msemaji wake ametangaza, akiongeza kuwa Bwana Guterres atarejea katika makao makuu ya Umoja wa Mataifa siku ya Jumatano.
Keir Starmer pia atakuwa Sharm El-Sheikh siku ya Jumatatu
Waziri Mkuu wa Uingereza atahudhuria mkutano wa amani wa Mashariki ya Kati nchini Misri siku ya Jumatatu. Keir Starmer “atahudhuria hafla ya kusainiwa kwa mpango wa amani wa Gaza, ambao unaashiria mabadiliko ya kihistoria kwa eneo hilo baada ya miaka miwili ya migogoro na umwagaji damu,” Downing Street imetangaza katika taarifa.