Nchi zinapojiunga na kuwa Mwanachama, huunda mikataba ya kimataifa, hutoa misaada, hudumisha amani, hulinda haki za binadamu, hujenga mustakabali ulio bora.
Zinakubali kufuata kanuni zilizomo kwenye mkataba wa Umoja wa Mataifa. Hati hii inaweka wazi jinsi shirika linavyofanya kazi pamoja na misingi yake.
Bila kujali ukubwa au udogo wa nchi, kila Mwanachama ana kura moja katika Mkutano Mkuu wa Umoja wa Mataifa, ambao ni mahali ambapo nchi hukutana.
Nguvu ya Umoja wa Mataifa inatokana na Nchi Wanachama, kufanya kazi pamoja, kufikia makubaliano na kuwajibishana.
Tangu kuanzishwa kwake, Umoja wa Mataifa umesaidia kuunda na kudumisha amani ya kimataifa kupitia hatua ambazo hakuna nchi au shirika lingeweza kuzifanya peke yake.
Je, umewahi kufikiria Umoja wa Mataifa unafanya nini hasa na jinsi unavyoleta mabadiliko duniani kote? Basi ni hivi…
Huunda mikataba kuhusu masuala ya kimataifa yanayotugusa sote na kuhakikisha nchi zinafuata mikataba hiyo.
Hutoa misaada ya dharura kwa watu walioathiriwa na majanga ya asili.
Umoja wa Mataifa hutuma walinda amani kwenye maeneo yenye migogoro ili kuleta utulivu na kusaidia jitihada za kuleta amani.
Umoja wa Mataifa hutetea na kulinda haki na uhuru wa watu wote.
Na, hupunguza umaskini na ukosefu wa usawa kwa wote, huilinda dunia, na huhakikisha kila mtu anapata huduma za afya, haki na ustawi.
Umoja wa Mataifa ni shirika muhimu sana kwa ushirikiano wa kimataifa, na raia kote duniani huchangia katika kazi muhimu za Umoja wa Mataifa kupitia kujitolea, mashirika ya kijamii, biashara na mambo mengine mengi.
Kwa pamoja, tunaweza kukabiliana na changamoto za kimataifa na kuungana ili kujenga dunia yenye amani zaidi.