Msemaji wa Wizara ya Mambo ya Nje ya Iran Esmaeil Baqaei ametuma salamu za rambirambi kwa familia za mahujaji wa ibada ya Umrah wa India waliofariki dunia katika ajali ya basi nchini Saudi Arabia.
Baqaei leo Jumanne ametoa taarifa na kutoa mkono wa pole na taazia kwa wananchi na serikali ya India na kumuomba Mwenyezi Mungu awape ahueni na shifaa majeruhi wa ajali hiyo.
mahujaji kutoka India wasiopungua 42 wameaga dunia na mmoja kujeruhiwa baada ya basi waliyokuwa wamepanda kutoka Makka kugongana jana Jumatatu na lori la mafuta umbali wa kilomita 160 kutoka mji wa Madina. Mahujaji ndani ya basi lililopata ajali walishindwa kutoka nje haraka baada ya moto kusambaa haraka katika basi lao.
Vyombo vya habari vya India ivimearifu kuwa, aghalabu ya mahujaji hao walikuwa wametoka katika mji wa Hyderabad kusini mwa India katika jimbo la Telangana.
Ingawa hakukuwa na taarifa rasmi kuhusu vifo hivyo, duru za karibu zimeeleza kuwa kuwa hadi sasa watu wamethibitishwa kuaga dunia wakiwemo raia 42 wa India na raia wawili wa Saudi ambao walikuwa wasimamizi wa mahujaji hao.