Raia wanne wa Ethiopia wanashikiliwa na Jeshi la Uhamiaji mkoani Mbeya baada ya kukutwa wakisafirishwa kwenye uvungu wa basi la Kampuni ya New Songo kutoka Dar es Salaam kwenda Kyela, licha ya kuwa na vibali halali vya kusafiria.
Watu hao wamekamatwa leo katika eneo la Uyole jijini Mbeya wakiwa njiani kuelekea wilayani Kyela, ambako walikuwa wakitarajia kuvuka mpaka wa Kasumulu kuelekea nchini Malawi.
Kamishna Msaidizi wa Uhamiaji Mkoa wa Mbeya, Filbert Ndege, amesema uchunguzi wa awali umebaini kuwa raia hao wana vibali halali, lakini mamlaka zinashangazwa na sababu za wao kusafirishwa kwenye uvungu wa basi kuanzia Kongowe, Kibaha mkoani Pwani, hadi Mbeya.
Aidha, dereva na kondakta wa basi hilo wameendelea kushikiliwa kwa ajili ya mahojiano zaidi.
#AzamTVUpdates
✍Kakuru Msimu
Mhariri | John Mbalamwezi
(Feed generated with FetchRSS)