Mashambulizi hayo yamesababisha vifo vya watu wapatao tisa na wengine wanne wamejeruhiwa. Katika siku za hivi karibuni kumekuwa na mashambulizi ya mfululizo nchini Pakistan ambapo mara zote Islamabad imeishutumu Afghanstan kuhusika na mashambuilizi ambayo yanazidi kufifisha juhudi za kumaliza mzozo wa muda sasa kati ya Afghanstan na Pakistan.
Shambulizi hilo limefanyika ikiwa ni mwezi mmoja tangu makumi ya watu walipouawa katika mapigano ya angani na ardhini kati ya mataifa hayo jirani ya Asia ya kusini. Mashambulio haya mapya ni mfullulizo wa mashambulizi baina ya mataifa hayo mawili ambapo mapema mwezi huu mlipuaji wa kujitoa mhanga aliua watu wapatao 12 katika tukio la kwanza la raia kulengwa huko Pakistan.
Siku moja kabla ya shambulio hili,mshambuliaji mwingine alilishambulia gari lililojaa vilipuzi ndani ya lango kuu la shule ya kijeshi katika wilaya ya Wazirstan iliyopo kusini mwa Pakistani karibu na mpaka wa Afghastan na kusababisha mauaji ya watu watatu.
Mataifa hayo mawili bado yanaendelea kushambuliana
Siku ya Jumatatu ya wiki hii, washambulaiji watu wa kujitoa mhanga walilenga makao makuu ya kikosi cha wanamgambo wa Pakistani katika mji wa Peshawar na kuua wafanyakazi watatu na kujeruhi wengine watano.
Mnamo mwezi Oktoba Pakistan ilifanya mashambulizi ya anga katika mji mkuu wa Afghanistan Kabul mashambulizi ambayo yalilemga mkuu wa kundi la wanamgambo wa Taliban ambapo mashambulizi hao hayakuweza kufanikiwa kumdhuru mkuu wa wanamgamo hao wa Taliban.
Katika kujibu mapigohao , mwishoni mwa Oktoba 11, vikosi vya Taliban vilishambulia Vituo vya kijeshi vya Pakistanambapo Pakistan iliarifu kuwa wanajeshi wake wapatao 23 waliuawa.
Pande zote mbili zilitia saini makubaliano ya kusitisha mapigano huko Doha mwezi Oktoba, hata hivyo mazungumzo yalimalizika bila makubaliano ya muda mrefu kufikiwa baada ya Kabul kukiuka maazimio ya makubaliano hayo kwa kuendeleza mashambulizi ya kushtukiza. Pakistan imeituhumu India ambayo ni adui yake wa muda mrefu kuwa imekuwa nyuma ya Afghanistan, lakini India imekanusha madai hayo.