Ujerumani inataka kuweka sheria kali zaidi dhidi ya wakimbizi na wahamiaji, na inapanga kufukuza nchini humo idadi kubwa ya wakimbizi.
Ujerumani inatazamia kuongeza pakubwa zoezi la kuwahamisha wakimbizi kufuatia sheria yake kali ya wakimbizi na wahamiaji. Nchi hiyo imewarejesha watu 19,538 katika nchi zao za asili katika miezi 10 ya kwanza ya mwaka huu, ambalo ni ongezeko la 18% au takriban watu 65 ikilinganishwa na mwaka uliopita.
Waziri wa Mambo ya Ndani wa Ujerumani Alexander Dobrindt akionyesha nia ya kuendelea na sera hii alisema: “Udhibiti ni utendaji thabiti na msimamo wa wazi katika sera ya uhamiaji, na hii inatumika pia katika kuwatimia wahajiri na wakimbizi. Tunaendelea kufuata njia hii na tunajitayarisha kuwaondoa nchini wahajiri kutoka Syria na Afghanistan.”
Ujerumani inazungumzia kuwachukulia hatua kali wahamiaji na kuwatimua, katika hali ambayo Uingereza hivi majuzi ilitangaza mageuzi makubwa katika mfumo wake wa hifadhi. Chini ya mageuzi ya sheria ya uhamiaji ya Uingereza, muda wa kusubiri kwa ajili ya kupata kibali cha kuishi umeongezwa kutoka miaka mitano hadi ishirini, na hali ya ukimbizi imefafanuliwa kuwa ya muda na ya masharti.
Hata watoto waliozaliwa nchini Uingereza na wazazi wakimbizi wako katika hatari ya kufukuzwa, uamuzi ambao umekosolewa na mashirika ya kutetea haki za binadamu na hata baadhi ya wabunge.
Uingereza na Ujerumani zimefafanua upya dhana na maana ya hifadhi na ukimbizi na utenbdaji mpya ulio dhidi ya uhamiaji, katika hali ambayo, hatua kama hiyo sio tu inapingana na kanuni za Mkataba wa Geneva, lakini pia inahatarisha usalama wa kisaikolojia na kijamii wa maelfu ya watu.
Ukweli wa mambo ni kuwa, maamuzi hayo yanaonyesha mabadiliko makubwa katika sera za uhamiaji za Ulaya, ambayo yameegemezwa zaidi kwenye masuala ya usalama na kisiasa kuliko kanuni za kibinadamu na sheria za kimataifa. Badala ya kukubali wajibu wake wa kihistoria kwa migogoro ya kimataifa, Ulaya imechagua njia ambayo inapepelekea kubanwa na kufukuzwa wakimbizi.
Ulaya inatekeleza sheria kali za uhamiaji wakati ambapo wahamiaji wengi wanalazimika kuhamia Ulaya kutokana na umaskini, ukosefu wa usalama, vita, mabadiliko ya hali ya hewa na athari zake kwa chakula na kazi.
Kimsingi ni kuwa, wahamiaji hawa mara nyingi ni wahanga wa sera za uhasama, uingiliaji kati wa kijeshi, na vita ambavyo nchi za Ulaya na washirika wao wamekuwa na jukumu la moja kwa moja katika kuchochea, kuanzisha na kudumisha. Kutoka Afghanistan na Iraq hadi Libya na Syria, nyayo za uingiliaji wa Magharibi katika ukosefu wa utulivu na uharibifu wa nchi hizi zinaonekana wazi.
Katika mazingira haya, kuhamia Ulaya si chaguo huru, lakini mara nyingi ni kulazimika ambako chimbuko lake ni sera za madola yale yale ambayo leo yanafunga milango yao kwa wakimbizi.
Kwa hakika, Ulaya inawaadhibu waathiriwa kwa kuweka kanuni kali kwa wahamiaji badala ya kukubali kuwajibika. Mbinu hii sio tu ni ya kinyama, lakini pia ni kinyume na sheria ya kimataifa ya ukimbizi, ambayo inasisitizia kulinda wale walio katika hatari.
Hii ni katika hali ambayo, viongozi wa Ulaya wamekuwa wakidai kutetea haki za binadamu na uhuru, lakini sasa wamekiuka kaulimbiu zao zote dhidi ya wakimbizi na sio tu wanatenda kinyume na madai yao, lakini pia hawaheshimu haki za msingi kabisa za kibinadamu.
Kwa upande mwingine, kwa mtazamo wa sheria za kimataifa, kuwafukuza wakimbizi hadi katika nchi zinazoonekana kuwa si salama ni ukiukaji wa wazi wa kanuni ya “kufukuzwa kutoka uhamishoni.” Kanuni hii ni moja ya misingi ya mfumo wa kisheria wa hifadhi ya kimataifa, na ukiukwaji wake na madola ya Ulaya inaonyesha kutofungamana Ulaya na sheria za haki za binadamu na kuwa tupu kaulimbiu zao.
Suala jingine ni kwamba sera kali za uhamiaji za Ulaya kwa hakika zinaimarisha mitandao ya magendo ya binadamu, ambayo kwa kiasi kikubwa iko ndani ya mipaka ya Ulaya. Kimsingi ni kuwa, wakati njia za kisheria zimefungwa, wahamiaji hulazimika kujisalimisha wafanya magendo, jambo ambalo huzua migogoro mipya, ikiwa ni pamoja na vifo kwenye njia hatari za baharini au nchi kavu.
Kiujumla kile kinachotekelezwa nchini Ujerumani na Uingereza kama sera za uhamiaji leo sio tu kinakiuka kanuni za binadamu na haki za binadamu, lakini pia kuachana Ulaya na maadili ambayo imejionyesha kama mtetezi wake kwa miongo kadhaa. Sera za kuwafukuza wakimbizi sio tu kwamba hazitatui matatizo ya kibinadamu, bali zitapelekea kuibuka migogoro zaidi na ya kudumu.