Ukuaji wa sekta ya utalii nchini Tanzania unatajwa kuwa miongoni mwa nguzo muhimu za ukuaji wa uchumi wa taifa na pato la wajasiriamali wengi waliopo kwenye mnyoroor wa thamani wa bicha hiyo muhimu wenye ushindani mkubwa duniani.
Kwa mujibu wa takwimu za sekta hiyo nchini ni dhahiri kuwa ukuaji umeendelea kushuhudiwa katika maeneo mtambuka ambayo kwa sasa yanajumuisha mpaka sekta ambazo awali hakikuzingatiwa kama wanchangiaji wa uchami kupitia utalii.
Katika kuliangalia hilo Waziri wa Maliasili na Utalii, Dkt. Ashatu Kijaji ameitaka Bodi ya Utalii Tanzania (TTB) kubuni mikakati mipya ya masoko ili kuongeza kasi ya kufikia lengo la serikali la kuvutia watalii milioni nane ifikapo mwaka 2030.
Dkt. Kijaji amesema kuwa ni muhimu TTB kuongeza ubunifu katika kunadi bidhaa bora za utalii sokoni sambamba na kuhakikisha wageni wanaotembelea nchini wanarejea tena na kuwaleta wenzao kutokana na uzuri wa vivutio, mgawanyo na uhusiano wa vivutio hivyo, ubora wa wa huduma na uzoefu unaoacha alama chanya kwa watalii.
“Ni bidhaa chache ndizo zimepelekwa sokoni na sisi tunataka vivutio zaidi vitangazwe na kutambulika kimataifa” amesisitiza Dkt.Kijaji.
Mbali na kutangazwa kwa vivutio hivyo pia Dkt. Kijaji ameitaka TTB kuongeza nguvu katika utafiti wa masoko ya utalii kwa kushirikiana na taasisi za utalii.
Tanzania imeshuhudia ongezeko la watalii waliofikia zaidi ya milioni tano katika mwaka wa fedha 2024/2025 na sasa serikali inataka idadi hiyo iongezeke kufikia milioni nane ikiwemo kupitia mkakati maalumu wa kutangaza vivutio vya utalii kuelekea Mashindano ya Kombe la Mataifa ya Afrika (AFCON) 2027 yatakayofanyika nchini.
Imeandaliwa na @ze_robbie
