Takribani watu 90 wamefariki dunia kutokana na mafuriko na maporomoko ya ardhi yaliyoikumba Indonesia juma hili, hasa katika kisiwa cha Sumatra, kutokana na mvua kubwa zilizonyesha. Waokoaji wanaendelea na juhudi za kuwasaka watu waliokwama ili kuwapeleka kwenye maeneo salama, huku hofu ikiongezeka kwamba idadi ya vifo inaweza kuongezeka.
Mwaka huu, mvua kubwa zimesababisha madhara makubwa katika nchi mbalimbali za Kusini-Mashariki mwa Asia, zikihusisha mamilioni ya watu nchini Indonesia, Vietnam, Thailand na Malaysia. Mamlaka nchini Thailand zimeripoti kwamba hadi Ijumaa, takribani watu 145 wamefariki dunia kutokana na mafuriko yaliyosomba makazi na miundombinu mbalimbali ya wananchi.
Mhariri | @claud_jm
#AzamTVUpdates