Botswana, Jamhuri ya Afrika ya Kati, Guinea, Guinea-Bissau, na Namibia zimeongezwa kwenye orodha ya nchi zinazolengwa na vikwazo vya visa vya Marekani. Jumla ya nchi 20 za Kiafrika sasa zimeathiriwa, ikiwa ni pamoja na 12 ambapo raia wamezuiliwa kuingia Marekani isipokuwa katika hali za kipekee.
Imechapishwa:
Dakika 1 Wakati wa kusoma
Matangazo ya kibiashara
Marekani inaendelea na sera yake ya kuzuia utoaji wa visa, hasa kwa nchi za bara la Afrika. Wizara ya Mambo ya Nje imeanzisha orodha mbili: orodha nyekundu, ambayo inapiga marufuku raia kuingia kwa sababu za “usalama wa taifa,” na orodha ya rangi ya chungwa, ambayo inaweka vikwazo kwa wali na pasipoti. Nchi tano za Kiafrika ziliongezwa kwenye kundi hili la pili wiki iliyopita.
Rais Donald Trump kwa kawaida hutoa matangazo haya kupitia jukwaa lake la mtandao wa kijamii, Truth Social. Kabla tu ya Mwaka Mpya, Wizara ya Mambo ya Nje ya Marekani iliongeza Botswana, Jamhuri ya Afrika ya Kati, Guinea, Guinea-Bissau, na Namibia kwenye orodha yake ya rangi ya chungwa kupitia tovuti yake.
Dhamana ya dola 5,000 hadi dola 15,000
Vikwazo vilivyowekwa kwa ajili ya kupata visa, ambavyo vimekuwa vikitumika tangu Januari 1, ni vikali. Wenye pasipoti lazima walipe dhamana ya dola 5,000, dola 10,000, au dola 15,000. Lazima pia wafanyiwe mahojiano ya ana kwa ana na maafisa wa serikali ya Marekani, wawasilishe miaka mingi ya historia yao ya mitandao ya kijamii, na kutoa maelezo ya kina ya safari zao za zamani. Wizara ya Mambo ya Nje inasema kwamba inatafuta hasa “dalili yoyote ya uadui dhidi ya kanuni za msingi za Marekani na vitisho vyovyote kwa usalama wa taifa.”
Kwenye tovuti ya Wizara ya Mambo ya Nje, nchi 20 za Afrika zimeorodheshwa na sasa zinakabiliwa na vikwazo, na 12 ziko kwenye orodha nyekundu: visa zimesitishwa isipokuwa katika hali za kipekee, hasa ikiwa “Waziri wa Usalama wa Marekani anaamini kwamba safari ya kibiashara inajikita katika maslahi ya Marekani.”