Katibu Mkuu wa Umoja wa Mataifa Antonio Guterres ameelezea majuto yake kuhusu tangazo la Ikulu ya White House kuhusu uamuzi wa Marekani wa kujiondoa kutoka kwa mashirika kadhaa ya Umoja wa Mataifa.
Hayo ni kwa mujibu wa msemaji wake Stephanie Dujaric katika taarifa yake siku ya Alhamisi.
Jibu la Guterres limetolewa huku Marekani ikijiandaa kujiondoa kutoka kwa mashirika 66 ya kimataifa kwa mujibu wa hati ya rais iliyosainiwa na Rais wa Marekani Donald Trump Jumatano.
Dujaric amesema kulingana na mkataba wa Umoja wa Mataifa, michango iliyotathminiwa katika bajeti ya kawaida ya Umoja wa Mataifa na bajeti ya kulinda amani, kama ilivyoidhinishwa na Baraza Kuu la Umoja wa Mataifa, ni wajibu wa kisheria chini ya Mkataba wa Umoja wa Mataifa kwa nchi zote wanachama, ikiwa ni pamoja na Marekani.