Uturuki imetuma meli yake ya sita ya “Goodness” ikibeba tani 2,600 za misaada ya kibinadamu kuelekea Sudan kutoka mji wa pwani wa Uturuki, Mersin, ikiendelea na jitihada za msaada kwa watu walioathiriwa na mgogoro unaoendelea nchini humo.
Meli hiyo ilitayarishwa kwa uratibu wa Mamlaka ya Maafa na Usimamizi wa Dharura ya Uturuki (AFAD) kwa kushirikiana na mamlaka za mikoa, mashirika ya kiraia, na Mfuko wa Maendeleo wa Qatar.
Ali Hamza Pehlivan, mkuu wa AFAD, alisema Uturuki haikukaa kimya mbele ya mgogoro wa kibinadamu huko Sudan, akibainisha kuwa usafirishaji uliopita ulishaleta tani 5,500 za msaada mwaka 2024, pamoja na mahema 30,000 yaliyotumwa katika meli tatu mwezi uliopita.
Usafirishaji wa hivi karibuni unajumuisha chakula, bidhaa za kujitunza kibinafsi, vifaa vya tiba, na vifaa vya makazi.
“Kwa kuzingatia jinsi mahitaji ya makazi ya watu waliokimbia ndani ya Sudan yalivyofikisha kiwango cha hatari mwezi Disemba, tulianza kutuma meli za wema tarehe 7 Desemba,” alisema.