Nchini DRC, Rais Félix Tshisekedi ameitisha mkutano baina ya taasisi kuu siku ya Jumatatu, Septemba 8, mkutano ambao wameshiriki Spika wa Bunge la taifa, Vital Kamerhe, Rais wa Baraza la Seneti, Jean-Michel Sama Lukonde, Waziri Mkuu Judith Suminwa, pamoja na Mkuu wa Mahakama ya Katiba na Baraza Kuu la Mahakama. Mkutano huo ulijadili mzozo wa usalama mashariki mwa nchi hiyo, pamoja na kikao kijacho cha bunge.
Imechapishwa: Imehaririwa:
Dakika 1 Wakati wa kusoma
Matangazo ya kibiashara
Na mwandishi wetu mjini Kinshasa, Paulina Zidi
Nchini DRC, kikao kijacho cha bunge kimepangwa kufanyika tarehe 15 Septemba. Kinakuja wakati wa mvutano ndani ya muungano unaotawala. Ufunguzi wake tayari unaelekea kuwa wa mvutano, huku ombi likikusanya saini za kutaka spika wa Bunge ajiuzulu. Hali hii imekuwa ikizunguka ndani ya safu ya Union Sacrée, muungano unaotawala, kwa karibu miezi miwili, kulingana na mwangalizi mmoja. Inaweza kusababisha kura ya kutokuwa na imani Vital Kamerhe.
Inabakia kuonekana iwapo pendekezo hili litahusu ofisi nzima ya bunge la taifa au baadhi ya wajumbe, lakini Spika wa Bunge Vital Kamerhe akilengwa zaidi. Kwa miezi kadhaa hali ya kutoaminiana imekuwa ikiongezeka kati ya kiongozi wa UNC na serikali. “Haonekani kumuunga mkono rais,” anaeleza mchambuzi mmoja. Mshirika wa zamani wa Vital Kamerhe anaona hii kama vita vya kuwania nafasi kwa uchaguzi wa mwaka 2028.
Mvutano huo ni kwamba wabunge walio karibu na spika wa Bunge walikamatwa kwa muda mfupi siku ya Ijumaa jioni. Kukamatwa kwao kulishutumiwa na upinzani pamoja na shirika la kiraia la Lucha. Inabakia kuonekana nafasi ya wanachama wengine wakuu wa Muungano Union Sacrée itakuwaje, kama Jean-Pierre Bemba, Jean-Michel Sama Lukonde, Christophe Mboso, au Modeste Bahati.