DRC inaanza sensa mpya ya ria zaidi ya miaka 40 baada ya sensa ya mwisho iliyofanyika nchini humo. Mamlaka zilifanya majadiliano siku ya Jumatatu, Machi 23, huko Kinshasa na wafadhili kusaidia mradi huu kwa sensa ya pili kubwa ya raia na makazi. Lengo: kupata ahadi thabiti kutoka kwa wadau wote ya kukusanya rasilimali zinazohitajika kuandaa operesheni hii kubwa, ambayo ni muhimu zaidi kuliko hapo awali. Sensa hii imekuwa kipaumbele cha kitaifa kwa ofisi ya rais.
Imechapishwa:
Dakika 1 Wakati wa kusoma
Matangazo ya kibiashara
Na mwandishi wetu huko Kinshasa, Paulina Zidi
Karibu dola milioni 210 zimeahidiwa kutoka kwa dola milioni 192 zinazohitajika kwa sensa hii nchini DRC. Mazungumzo yaliyofanyika Machi 23 yalitimiza malengo yake, ingawa baadhi ya kiasi kilichotangazwa hakitatengwa tu kwa shughuli za sensa. Pia fedha hizo zinalenga kusaidia mchakato wa uchaguzi na Taasisi ya Kitaifa ya Takwimu.
Hatua ya kwanza ya sensa hii inaweza kuanza mapema mwezi Julai 2026 kwa maandalizi. Kazi inayoikabili nchi hiyo ni kubwa, kwani data za mwisho zilitolewa mwaka 1984. Wakati huo, nchi hiyo ilikuwa na wakazi milioni 30 pekee. Leo, idadi hiyo inakadiriwa kuwa zaidi ya milioni 110.
Wakati wa majadiliano hayaya siku ya Jumatatu, washiriki mbalimbali walisisitiza umuhimu mkubwa wa kukamilisha kazi hii ili kurekebisha sera za umma kulingana na mahitaji. “Kuendelea kupanga bila data ya kuaminika kutakuwa sawa na kutawala bila uwazi,” alitangaza Mkuu wa Nchi wa Kongo, Félix Tshisekedi.
“Miaka arobaini na miwili iliyopita, wakati wa sensa ya kwanza, idadi ya watu ilikadiriwa kuwa milioni 42. Lakini tangu wakati huo, nchi yetu imebadilika sana. Idadi ya watu wa Kongo sasa inakadiriwa kuwa karibu milioni 113, ” Rais wa DRC Félix Tshisekedi anaelezea changamoto za sensa
Waziri wa Mipango Judith Suminwa Tuluka aliongeza: “Kutokuwepo kwa sensa kunapunguza uwezo wetu wa kukidhi mahitaji ya raia.”