Uteuzi wa Markwayne Mullin kama Waziri wa Usalama wa Ndani katika utawala wa Trump, akichukua nafasi ya Kristi Noem, umeidhinishwa siku ya Jumatatu na Baraza la Seneti la Marekani.
Imechapishwa:
Dakika 1 Wakati wa kusoma
Matangazo ya kibiashara
Markwayne Mullin, 48, sasa ataongoza Wizara ya Usalama wa Ndani (DHS), ambayo imekuwa ikikabiliwa na mkwamo wa bajeti kwa zaidi ya mwezi mmoja. Seneta wa sasa kutoka Oklahoma aliidhinishwa kwa nafasi hii yenye utata kwa kura 54 za ndio dhidi ya 45 za hapana. Upinzani wa Democratic unakataa kuidhinisha ufadhili wa DHS bila mageuzi makubwa kwa Idara ya Uhamiaji na Utekelezaji wa Forodha (ICE)chini ya Idara ya Usalama wa Ndani.
Markwayne Mullin alisikilizwa mbele ya kamati ya Seneti wiki iliyopita, muda mfupi baada ya kufukuzwa kazi kwa Kristi Noem. Msimamo wa Noem ulidhoofishwa, haswa na shughuli za kupambana na uhamiaji zilizokosolewa sana katika miezi ya hivi karibuni huko Minneapolis, ambapo raia wawili wa Marekani, Renee Good na Alex Pretti, waliuawa na maafisa wa shirikisho.
Wakati wa kusikilizwa kwake, alijitenga na kauli zake mwenyewe kuhusu Alex Pretti, ambaye alimtaja kama “mtu aliyesumbuliwa.” “Sikupaswa kusema hivyo, na kama Waziri wa Mambo ya Nje, nisingesema hivyo,” alikiri. “Nilizungumza haraka sana. Nilijibu bila kujua ukweli.”
Uhamiaji haramu, kipaumbele cha juu cha Trump
Kuhusu ICE, iliyokosolewa kwa mbinu za kikatili ambazo imetumia kutekeleza shambulio la kupambana na uhamiaji lililodaiwa kutekelezwa na Donald Trump, seneta huyo wa Republican alielezea maono yake kwamba angependa kuona idara hii “ikiwa njia” inayotumika kuwafukuza wahamiaji badala ya kuwa “mstari wa mbele” wa kuwakamata kote nchini.