Wadau wa kibinadamu nchini Jamhuri ya Kidemokrasi ya Kongo, wana wasiwasi kutokana na mgogoro unaoendelea kusini-mashariki mwa nchi. Eneo la Haut-Mbomou limekuwa eneo la migogoro ya mara kwa mara kwa miaka kadhaa, likiwahusisha wanamgambo wa jamii ya Azandé Ani Kpi Gbé (AAKG), waasi wa UPC, jeshi la taifa, na mamluki wa Wagner, wote waknyooshewa kidole na walinda amani wa Umoja wa Mataifa.
Imechapishwa: Imehaririwa:
Dakika 1 Wakati wa kusoma
Matangazo ya kibiashara
Makabiliano hayo yamekuwa mabaya hivi karibuni, na hali ya kibinadamu inazidi kuwa mbaya, Umoja wa Mataifa umesema baada ya ujumbe wa tathmini katika wiki ya Machi 24, 2026.
Kulingana na ripoti ya hali kutoka Ofisi ya Umoja wa Mataifa ya Uratibu wa Masuala ya Kibinadamu (OCHA), misheni hiyo ilifanya tathmini zake kando ya barabara zinazounganisha wilaya ndogo ya Zemio, huko Mboki, mashariki, na Dembia, magharibi. Wadau wa kibinadamu kutoka mashirika kadhaa yasiyo ya kiserikali ya kitaifa na kimataifa wanaripoti kuibuka tena kwa mapigano tangu mwezi Desemba mwaka uliyopita, na “athari ya hali hiyo na ufikiaji wa kibinadamu,” ambayo wanasema imekuwa ngumu zaidi. Ujumbe huo ulizungumza na watu 6,500 katika makundi madogo.
Ukiukwaji wa haki za kibinadamu
Kulingana na ripoti hiyo, washiriki walishiriki madai ya ukiukwaji wa haki za binadamu unaofanywa na makundi yenye silaha, “ikiwa ni pamoja na ubakaji na kuchoma moto nyumba,” hali ambayo imewalazimu sehemu kubwa ya raia kukimbilia msituni au maeneo yaliyo karibu na mashamba. Wahusika wa ukiukwaji huu hawakutajwa majina.
Raia wanahitaji msaada wa dharura vifaa vya nyumbani, vifaa vya kusafisha maji, na dawa. Shule zote katika barabara Zémio-Mboki bado zimefungwa. Ujumbe huu unafuatia operesheni ya kijeshi iliyowalazimisha wanamgambo wa Zande, ambao walikuwa wamedhibiti viunga vya Zemio tangu mwishoni mwa Desemba, kurudi nyuma.
Kufungwa kwa vituo vya kibinadamu
Katika ripoti yake ya hali hiyo, OCHA pia inabainisha kuwa vituo vingi vya kibinadamu vinafungwa kote Jamhuri ya Afrika ya Kati (CAR), ishara ya kujiondoa kwa mashirika yasiyo ya kiserikali. Ofisi zaidi ya 120 zinazomilikiwa na mashirika sitini ya kibinadamu zimefungwa tangu mwaka jana, huku watu milioni 2.3 wa Jamhuri ya Afrika ya Kati wakihitaji msaada.