Nchini Afrika Kusini, hofu inaongezeka miongoni mwa watu kutoka nchi zingine barani humo, kutokana na mvutano wa chuki dhidi ya wageni. Mashirika ya uhamiaji haramu yanalenga tarehe 30 Juni kudai kuondoka kwa wahamiaji wote wasio na vibali. Maelfu ya raia wa Malawi tayari wamekimbia makazi yao katika eneo la KwaZulu-Natal na wamekusanyika katika eneo la umma jijini Durban, wakisubiri kurejeshwa nyumbani.
Imechapishwa:
Dakika 1 Wakati wa kusoma
Matangazo ya kibiashara
Na mwandishi wetu huko Johannesburg, Claire Bargelès
Vyama vya wafanyakazi vinaelewa kwamba Waafrika Kusini wamekatishwa tamaa na ukosefu wa ajira, ambao unazidi 30%. Lakini hasira zao zimeelekezwa vibaya, kulingana na Mametlwe Sebei, kiongozi wa GIWUSA, shirika linalotetea haki za wafanyakazi katika viwanda.
“Tatizo si kwamba wafanyakazi wana hasira; wana kila sababu ya kuwa hivyo.” Lakini si wahamiaji waliosababisha ukosefu wa ajira, kufunga viwanda, kubinafsisha huduma za umma, au kupora hazina za serikali, anambusha. Ndiyo maana chuki dhidi ya wageni lazima ieleweke si kama suluhisho la mgogoro huu, bali kama moja ya dalili zake hatari zaidi, na kama hila dhidi ya wale ambao tayari ni waathiriwa wake.
Mashirika ya haki za binadamu pia yanalaani madai kwamba wageni wanatumiwa kama watu wanaowajibishwa kwa makosa ya wengine.
Viongoz wa kidini pia wamepaza sauti zao, kama vile zile Baraza la Makanisa la Afrika Kusini (SACC), jukwaa la kiekumene linaloongozwa na Askofu Mkuu Sithembele Sipuka. “Kuna maagizo yaliyo wazi sana katika Agano la Kale ambayo yanatuamuru kuwapokea wageni. Na katika maandishi haya, watu wa Mungu wenyewe walipata hadhi hii.” “Uzoefu huu unapaswa kuhamasisha huruma, badala ya kukataliwa,” askofu mkuu anabainisha.
Kwa upande wao, mashirika ya biashara ya nchi hiyo yana wasiwasi kuhusu athari zinazowezekana za kiuchumi kutokana na maandamano haya ya kupinga wahamiaji, kutokana na maslahi mengi ya Afrika Kusini nje ya nchi.