Rais wa Somalia Abdirahman Mohamed Abdullahi amekutana na mwenzake wa Israeli Isaac Herzog siku ya Jumapili huko Jerusalemu kwa ziara yake ya kwanza ya kiserikali, miezi michache tu baada ya Israel kutambua uhuru wa taifa hilo lililojitenga na Somalia.
Imechapishwa:
Dakika 1 Wakati wa kusoma
Matangazo ya kibiashara
Mnamo Desemba 26, 2025, Israel ikawa nchi ya kwanza kutambua Somaliland kama “taifa huru na linalojitawala” tangu kujitenga kwake na Somalia mwaka wa 1991.
“Ziara hii ina umuhimu mkubwa,” Abdullahi amesema katika taarifa iliyotolewa na ofisi ya rais wa Israel. “Hii ni ziara ya kwanza ya kiserikali ya rais wa Jamhuri ya Somaliland kwa nchi nyingine yoyote, na tunashukuru sana kwamba Israeli imechagua kutupokea kwa heshima kubwa katika tukio hili la kihistoria,” amesema. “Kwa miaka 35, Somaliland imekuwa ikishiriki katika mazungumzo na kutafuta kuanzisha mawasiliano na viongozi kote ulimwenguni.” Waliomba jambo moja tu: kutuona. Ni nchi moja tu iliyotaka kutuona na kuitambua Somaliland: serikali ya Israel na raia wake,” aeongeza.
Somaliland inafurahia nafasi ya kimkakati katika Ghuba ya Aden na ina sarafu yake, pasipoti, na jeshi. Lakini inajitahidi kutaka kutambuliwa kimataifa huku kukiwa na hofu ya kuchochea hasira ya Somalia na kuhimiza harakati zingine za kujitenga barani Afrika.
Bw. Herzog, kwa upande wake, amekaribisha ziara ambayo “inaashiria uwezo mkubwa wa ushirikiano huu mpya mzuri,” kulingana na taarifa ya rais, akiongeza kuwa alitarajia ushirikiano ulioimarishwa wa pande mbili “katika nyanja nyingi.”