Katika Kombe la Dunia 2026, mashabiki wameona baadhi ya wachezaji wakivaa jezi zenye nembo maalum ya “Legacy” kwenye mkono wa jezi. Nembo hiyo imeanzishwa na FIFA kwa mara ya kwanza ili kuwaheshimu wachezaji walioandika historia kwa kushiriki Kombe la Dunia mara tano au zaidi.
Miongoni mwa nyota wanaovaa nembo hiyo ni Cristiano Ronaldo, Lionel Messi, Luka Modrić, Manuel Neuer na Yuto Nagatomo. Wachezaji hawa wametambuliwa kwa mchango wao mkubwa na safari ndefu waliyoifanya kwenye jukwaa la Kombe la Dunia.
Nembo ya Legacy huwekwa chini ya nembo rasmi ya Kombe la Dunia kwenye mkono wa jezi, ikiwa na neno “LEGACY” pamoja na bendera ya taifa la mchezaji husika. Lengo lake ni kutambua urithi na mafanikio ya wachezaji hao katika historia ya mashindano.
(Feed generated with FetchRSS)