Bunge la seneti nchini Zimbabwe, limepitisha muswada tata wa marekebisho ya katiba ambayo yatampa nafasi rais Emmerson Mnangagwa kubaki ofisini hadi mwaka 2030, uamuzi ambao umezidisha mgawanyiko kwenye taifa hilo.
Imechapishwa: Imehaririwa:
Dakika 1 Wakati wa kusoma
Matangazo ya kibiashara
Mwenyekiti wa baraza la seneti nchini Zimbabwe Mabel Chinamona amesema, Maseneta 75 walipiga kura kuunga mkono muswada huo na wanne waliupinga. Kufuatia kupitishwa kwa muswada huo bungeni Juni 18, mageuzi ya kikatiba sasa yanasubiri kusainiwa na Rais ili kuanza kufanyakazi rasmi.
Rais wa sasa Emmerson Mnangagwa, mwenye umri wa miaka 83, ambaye aliingia madarakani mwaka 2017 katika mapinduzi ya ikulu yaliyoungwa mkono na jeshi yaliyomng’oa Robert Mugabe, kwa hivyo atatumikia miaka 12 zaidi miaka mingi akiwa mkuu wa nchi mwishoni mwa mihula yake miwili.
Muswada huo unaoelezewa kama mapinduzi ya kikatiba na upinzani pia unapanga kufuta kura ya moja kwa moja kwa uchaguzi wa rais ulioanzishwa mwaka 1987 Wabunge ambao muhula wao pia utaongezwa kwa miaka miwili watamchagua mkuu wa nchi.
ZANU-PF chama tawala kinahalalisha mabadiliko haya ya kikatiba kwa hitaji la kuhakikisha utulivu wa kisiasa.
Kwa upande wake upinzani unadai kuwa mwathiriwa wa vitisho kiongozi wake Tendai Biti, Waziri wa zamani wa fedha alikamatwa Machi iliyopita.