Vurugu zinazoongezeka zinaababisha watu kukosa riziki zao na sasa zinawalazimisha wengine kukimbilia nchi jirani ya Benin. Kulingana na Shirika la Umoja wa Mataifa wa Mpango wa Chakula Duniani, zaidi ya Wanigeria elfu moja walipokea msaada nchini Benin mwezi uliopita. Wakati huo huo, mahitaji yanaendelea kuongezeka.
Imechapishwa:
Dakika 1 Wakati wa kusoma
Matangazo ya kibiashara
Katika kipindi cha mwaka mmoja, watu zaidi ya 700,000 wamejiunga na wale ambao tayari wanakabiliwa na uhaba mkubwa wa chakula kaskazini mashariki, na kufikisha jumla ya waathiriwa zaidi ya milioni 6, huku msaada wa chakula ukipunguzwa kwa nusu kutokana na ukosefu wa ufadhili. Shirika la Chakula Duniani (WFP) sasa linatambua majimbo tisa kaskazini mwa Nigeria kama miongoni mwa maeneo muhimu zaidi.
Katika maeneo haya, mashambulizi ya makundi yenye silaha, utekaji nyara, na uhamisho wa ndani huzuia wakazi kulima ardhi yao na kufanya kuwa ngumu kwa upatikanaji wa huduma za afya. Vituo vingi vya lishe vimefungwa kutokana na ukosefu wa usalama au ukosefu wa ufadhili.
WFP inazungumzia “hali nzito”: mzozo huo unawakatia watu huduma muhimu, huku kupunguzwa kwa bajeti kunapunguza misaada ya kibinadamu. Matokeo yake, kaskazini mashariki mwa Nigeria, watu milioni 6.2 sasa wanakabiliwa na njaa kali, karibu 13% zaidi ya mwaka mmoja uliopita. Katika baadhi ya maeneo, WFP tayari inaripoti awamu ya 5, kiwango muhimu zaidi cha uainishaji wa njaa.
Kwa kunyimwa msaada wa chakula, baadhi ya familia hazina chaguo ila kuchukua hatari kubwa zaidi ili kuishi. Wanawake huondoka kambi za wakimbizi ili kukusanya kuni, kuhatarisha kutekwa nyara au unyanyasaji wa kijinsia. Na, kulingana na Mpango wa Chakula Duniani, baadhi ya vijana hujiunga na makundi yenye silaha kwa pesa chache kwa siku, ili tu waweze kula.