Ni takriban miaka tisa baada ya kumalizika kwa mzozo wa Kamuina Nsapu, makovu ya vita hivi yanabaki kuwa kumbukumbu ya pamoja ya mkoa wa Kasai. Licha ya kurejea kwa amani, familia nyingi zinaendelea kubeba mzigo wa huzuni na kiwewe kilichosababishwa na vurugu zilizokumba eneo hilo kati ya 2016 na 2017.
Imechapishwa: Imehaririwa:
Dakika 1 Wakati wa kusoma
Matangazo ya kibiashara
Mgogoro huu, ambao ulikutanisha vikosi vya usalama vya Kongo na wanamgambo wanaodai utii kwa chifu wa jadi Kamuina Nsapu, umesababisha vifo vya takriban watu 5,000, kulingana na Umoja wa Mataifa.
Maelfu ya watu wameyakimbia makazi yao, wamejeruhiwa, au wamefanyiwa ukiukwaji mkubwa wa haki za binadamu.
Hata hivyo, mashirika ya waathiriwa yanalaani ukweli kwamba wahusika kadhaa wanaodaiwa kufanya ukatili huu bado hawajafikishwa mahakamani.
Kuanzia mwaka wa 2016, vurugu zilienea katika majimbo kadhaa katika eneo la Grand Kasai. Raia waliathiriwa hasa na mapigano, mauaji ya ghafla, ukatili wa kijinsia, na uharibifu wa vijiji na miundombinu.
Mpaka leo baadhi ya manusura wanashindwa kuendelea na maisha yao, kutokana wengi kupoteza watu wao wa karibu.
Katika maeneo kadhaa kote mkoani Kasai, ambapo familia nyingi bado zinasubiri haki ipatikane na wale waliohusika wawajibishwe mahakamani.
Ili kuonyesha mshikamano wake na familia zilizofiwa, Chama cha Kitaifa cha Waathiriwa wa Kongo (ANVC), tawi la Kasai, kiliandaa siku mbili za kumbukumbu zilizotolewa kwa waathiriwa wa mzozo huo mnamo Julai 3 na 4 huko Tshikapa.
Mpango huo uliungwa mkono na Mfuko wa Kitaifa wa Fidia kwa Waathiriwa wa Vurugu Zinazohusiana na Migogoro na Uhalifu Dhidi ya Amani na Usalama wa Binadamu (FONAREV)