Oman na Iran zimekubaliana kuendelea na majadiliano ya kiufundi na kisiasa ili kufikia makubaliano kuhusu urambazaji katika Mlango-Bahari wa Hormuz kwa mujibu wa sheria za kimataifa, shirika la habari la serikali ya Oman limeripoti kwenye mtandao wa kijamii wa X.
Imechapishwa:
Dakika 1 Wakati wa kusoma
Matangazo ya kibiashara
Taarifa hiyo inabainisha kwamba pande hizo mbili “zimefanya majadiliano huko Muscat kuhusu urambazaji katika Mlango-Bahari wa Hormuz ili kuhakikisha usalama na uhuru wake kwa kuzingatia vitendo na athari zinazotokana na maendeleo ya hivi karibuni.”
Kulingana na shirika hilo, nchi hizo mbili zimefanya mazungumzo katika mji mkuu wa Oman, Muscat, kuhusu kuhakikisha usalama na uhuru wa urambazaji katika Mlango-Bahari wa Hormuz kutokana na maendeleo ya hivi karibuni.
Oman na Iran ziliamua kuendelea na majadiliano katika ngazi za kiufundi na kisiasa ili kufikia makubaliano muhimu kwa mujibu wa sheria za kimataifa, shirika hilo limeongeza.
Siku ya Ijumaa, Esmaeil Baghaei, msemaji wa Wizara ya Mambo ya Nje ya Iran, alitangaza kwamba Waziri wa Mambo ya Nje wa Iran Seyed Abbas Araghchi angesafiri kwenda Oman siku ya Jumamosi kwa mashauriano kuhusu Mlango-Bahari wa Hormuz.
Majadiliano hayo yalifanyika katika hali ya mvutano inayoongezeka kufuatia mashambulizi kutoka pande zote mbili ya hivi karibuni kati ya Marekani na Iran, yaliyosababishwa na mashambulizi ya Iran dhidi ya meli za kibiashara zinazopita kwenye Mlango-Bahari wa Hormuz.
Kufuatia mashambulizi ya Marekani na Israel dhidi ya Iran mwishoni mwa mwezi Februari, Tehran iliimarisha udhibiti wake juu ya Mlango-Bahari wa Hormuz, njia ya kimkakati ya majini ambayo takriban moja ya tano ya biashara ya mafuta ya baharini duniani hupitia, na hivyo kuzuia kupita salama kwa meli zinazohusiana na Israel na Marekani.
Hapo awali, Iran na Oman zilikubaliana mwezi Juni kuendelea na majadiliano ndani ya kikundi cha pamoja cha kazi kati ya wizara zao za mambo ya Nje ili kufikia makubaliano kuhusu usimamizi wa baadaye wa urambazaji na huduma zinazohusiana na baharini katika mlango Bahari wa Hormuz.