Mshauri wa mambo ya ndani Jahangir Alam Chowdhury, leo amewaambia waandishi wa habari wakati wa hafla moja huko Dhaka kwamba matukio hayo yanachochewa kwa amri ya India au kwa matakwa ya wale aliowaita mafashisti akimaanisha chama kinachohusishwa na waziri mkuu aliyeondolewa madarakani Sheikh Hasina.
Miili ya waliouawa yahifadhiwa hospitalini
Afisa wa polisi Ahsan Habib, amewaambia waandishi wa habari kwamba watu watatu waliuawa kwa kupigwa risasi na kwamba miili hiyo imehifadhiwa katika hospitali moja ya eneo hilo bila ya kufafanua ikiwa walishambuliwa na vikosi vya usalama.
Watu kutoka makabila ya Chakma na Marma, walifanya maandamano hayo na kufunga barabara zinazouunganisha wilaya hiyo na maeneo mengine ya nchi.
Kwa mujibu wa polisi, maafisa wa usalama pia walijeruhiwa walipokuwa wakijaribu kudhibiti ghasia hizo.