Marekani na mataifa kadhaa ya Ghuba siku ya Alhamisi yameitaka Baraza la Usalama la Umoja wa Mataifa kuitaka Iran iache kuzuia urambazaji katika Mlango-Bahari wa Hormuz, kwani rasimu ya azimio linalohusu hilo inatishiwa na kura ya turufu.
Imechapishwa:
Dakika 1 Wakati wa kusoma
Matangazo ya kibiashara
“Tunaamini katika kanuni za msingi, kama vile uhuru wa urambazaji kwa nchi zote za dunia. Hilo ndilo lililo hatarini hapa,” Balozi wa Marekani katika Umoja wa Mataifa Mike Waltz amewaambia waandishi wa habari, akiwa amezungukwa na wenzake kutoka Bahrain, Saudi Arabia, Falme za Kiarabu, Qatar, na Kuwait.
Siku chache zilizopita, Marekani na Bahrain ziliwasilisha azimio kwa Baraza la Usalama likieleza kwamba Iran lazima “ikomeshe mara moja mashambulizi na vitisho vyote” dhidi ya meli na “jaribio lolote la kuzuia” uhuru wa urambazaji katika mlango-bahari wa kimkakati, ikiwa ni pamoja na “kuweka mabomu” na kuweka “ushuru haramu.” Azimio hilo pia linaitaka Tehran kufichua idadi na eneo la mabomu yake iliyotega ndani ya maji na kuyaondoa; na kuruhusu Umoja wa Mataifa kuanzisha “ukanda wa kibinadamu,” hasa kwa ajili ya kupitisha mbolea.
“Dunia lazima ichukue msimamo na kusema kwamba hatuwezi kuweka mabomu baharini kwa sababu tuna mgogoro na upande mwingine,” amebainisha Mike Waltz. “Nani angepinga hilo?” ameuliza, akimaanisha uwezekano wa kura ya turufu.
Katikati ya mwezi Machi, Baraza la Usalama lilipitisha azimio dhidi ya Tehran, likidai “kukomeshwa mara moja” kwa mashambulizi dhidi ya majirani zake wa Ghuba na kulaani kizuizi cha Mlango-Bahari wa Hormuz. Urusi na China wakati zilijizuia kupiga kura. Lakini nchi hizo mbili baadaye zilipiga kura ya turufu, mwanzoni mwa mwezi Aprili, dhidi ya azimio linalohimiza mataifa husika kuratibu juhudi zao, “za kujihami,” ili kuhakikisha uhuru wa urambazaji. Na kulingana na vyanzo vya kidiplomasia, Urusi, mshirika wa Tehran, ilibainisha siku Jumatano kwamba iko tayari kuzuia azimio hilo jipya.
Ujumbe wa Iran kwa Umoja wa Mataifa, kwenye mtandao wa kijamii wa X, umeshutumu rasimu ya azimiohilo kama “imechochewa kisiasa,” ikiwataka wanachama wa Baraza “kuchukua hatua kwa misingi ya mantiki, haki, na kanuni, na sio chini ya shinikizo.”