Rais mteule Romuald Wadagni, aliyetangazwa mshindi wa uchaguzi wa urais uliofanyika Aprili 12 nchini Benin, ataapishwa na kukabidhiwa rasmi mamlaka ya uongozi wa nchi wakati wa sherehe ambayo inatarajiwa kufanyika leo Jumapili, Mei 24, huko Cotonou. Takriban wajumbe kumi na watano wa kigeni watahudhuria sherehe hii kubwa nchini Benin. Miongoni mwao: wawakilishi kutoka nchi tatu za Muungano wa Majimbo ya Sahel (ESA) – Mali, Niger, na Burkina Faso.
Imechapishwa:
Dakika 1 Wakati wa kusoma
Matangazo ya kibiashara
Na mwandishi wetu huko Cotonou, Jean-Luc Aplogan
Nchini Benin, Romuald Wadagni ataapishwa rasmi kama Rais wa Jamhuri leo Jumapili, Mei 24, huko Cotonou. Baada ya kushinda uchaguzi wa urais mnamo Aprili 12, atamrithi mtangulizi wake, Patrice Talon, ambaye hakustahili kugombea tena baada ya kuhudumu mihula miwili ya miaka mitano kama mkuu wa nchi.
Ingawa hakuna mkuu wa nchi wa kigeni atakayehudhuria sherehe ya kuapishwa kwa rais huyo, kama ilivyo kawaida katika kanuni ya itifaki ya Benin, wajumbe 16 wanatarajiwa. Miongoni mwao ni wawakilishi kutoka Mali, Burkina Faso, na Niger, wanachama watatu wa Muungano wa Mataifa ya Sahel (AES).
Kulingana na RFI, mawaziri wa mambo ya nje wa Mali na Burkina Faso waliwasili katika mji mkuu wa Benin, Cotonou, siku ya Jumamosi, Mei 23, huku maafisa wa Niger wakitarajiwa Jumapili asubuhi, muda mfupi kabla ya kuanza kwa sherehe. Uwepo wao ni wa muhimu sana, kutokana na mvutano unaoendelea kati ya Niamey na Cotonou: ingawa mpaka kati ya nchi hizo mbili umeendelea kufungwa tangu mwezi Julai 2023, utawala wa kijeshi huko Niamey umemtuhumu mara kwa mara rais wa Benin anayeondoka Patrice Talon.
Sherehe ya kuapishwa kwa Romuald Wadagni itaanza saa 5:00 mchana kwa saa za Benin kwenye uwanja wa Palais des Congrès – uliyorekebishwa kabisa kwa ajili ya hafla hiyo.
Siku ya Jumapili, Mei 24, Patrice Talon atakuwa rais wa tatu wa zamani wa Benin ambaye bado yuko hai, pamoja na Nicéphore Soglo na Boni Yayi.