Kiasi Gani Ghetto Kids na Shakira Watalipwa kwa Kutumbuiza Katika Fainali ya Kombe la Dunia 2026

• Shakira, Madonna, BTS na Justin Bieber waliongoza maonyesho ya kwanza kabisa ya mapumziko ya fainali ya Kombe la Dunia 2026, lakini utaratibu wa malipo yao uliwashangaza wengi
• Ghetto Kids wa Uganda walijiunga na Shakira jukwaani kuimba na kucheza wimbo Dai Dai pamoja na nyota wa Afrobeats Burna Boy, baada ya mwimbaji huyo maarufu duniani kuwaalika binafsi
• Tunaeleza kwa nini mastaa hao wa Uganda hawatapokea malipo kutoka FIFA licha ya ufichuzi wao wa kushangaza kabla ya mchezo

Fainali ya Kombe la Dunia la FIFA 2026 iliandika historia Jumapili, si tu kwa yaliyotokea uwanjani bali pia kwa yaliyoshuhudiwa wakati wa mapumziko.

Shakira, Madonna, BTS na Justin Bieber walitumbuiza katika maonyesho ya kihistoria yaliyokuwa ya kwanza kabisa kufanyika katika fainali ya Kombe la Dunia.

Kundi maarufu la wachezaji na wacheza densi kutoka Uganda, Ghetto Kids, pia lilivutia hisia za mashabiki duniani walipotumbuiza wimbo Dai Dai pamoja na Shakira na gwiji wa Afrobeats Burna Boy.

Pia soma

Thomas Tuchel: England yafanya uamuzi kumhusu kocha mkuu baada ya kutupwa nje ya Kombe la Dunia 2026

Wasanii wa maonyesho ya mapumziko ya Kombe la Dunia watalipwa kiasi gani?

Kwa mujibu wa chombo cha habari cha Hispania, Marca, utaratibu wa kifedha unafanana na ule wa maonyesho ya mapumziko ya Super Bowl ya NFL.

FIFA hugharamia uzalishaji wa maonyesho pamoja na gharama za maandalizi na usafirishaji, lakini hakuna malipo ya moja kwa moja yanayotolewa kwa wasanii.

Kwa mujibu wa waandalizi, faida kubwa kwa wasanii ni kutambulika zaidi duniani, huku mabilioni ya watazamaji yakitarajiwa kuongeza idadi ya watu wanaosikiliza nyimbo zao kupitia majukwaa ya mtandaoni, mauzo ya tiketi za matamasha na fursa nyingine za kibiashara.

Wasanii pia hupokea posho ndogo wakati wa kipindi cha mazoezi kabla ya maonyesho.

Kwa nini Ghetto Kids hawatapokea hata senti moja kutoka FIFA

Kwa upande wa Ghetto Kids, kundi hilo halikuajiriwa moja kwa moja na FIFA, jambo linaloonekana pia kwenye tovuti rasmi ya shirikisho hilo.

Ni Shakira aliyewaalika binafsi kushiriki maonyesho hayo, jambo linalomaanisha kuwa makubaliano yoyote ya kifedha ambayo Ghetto Kids wanaweza kuwa nayo yapo kati yao na nyota huyo wa muziki kutoka Colombia, wala si na FIFA.

Pia soma

FIFA yazua utata kwa kuvunja sheria zake katika fainali ya Kombe la Dunia 2026

Mbali na hilo, licha ya kutumbuiza kwenye jukwaa kubwa zaidi katika historia ya soka, walifichua kuwa hata hawakuwa wamepewa tiketi na FIFA za kushuhudia mechi hiyo.

“Hatujui tutakwenda wapi baada ya maonyesho,” walisema katika mahojiano na MDMotivator kupitia Instagram.

Baadaye, mwanayoutuber huyo aliwapatia tiketi za kuingia uwanjani kushuhudia mchezo huo.

TUKO.co.ke imewasiliana na FIFA kuomba maoni kuhusu suala hilo.

Zawadi ya fedha ya Uhispania baada ya kushinda Kombe la Dunia

Pia tuliangazia taarifa kuhusu ushindi wa kusisimua wa Uhispania dhidi ya Argentina katika fainali ya Kombe la Dunia 2026.

Mchezo huo haukuwa tu onyesho la vipaji vya hali ya juu vya soka, bali pia ulidhihirisha uthabiti wa timu hiyo, huku bao la ushindi la Ferran Torres katika muda wa nyongeza likiiwezesha Uhispania kutwaa ubingwa wa dunia kwa mara ya nne, likiendelea kuakisi safari yao ya kipekee katika kipindi cha miaka 16 iliyopita.

Makala haya yamedhaminiwa kwa fahari na 1XBet.

Read: ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsApp: 0732482690.

Chanzo: TUKO.co.ke