Edward Stourton: Mtangazaji wa BBC afariki baada ya kupambana na saratani kwa miaka 12

• Mtangazaji na mwanahabari wa BBC Edward Stourton alifariki dunia siku ya Jumamosi akiwa na umri wa miaka 68, baada ya kugunduliwa na saratani ya tezi dume mwaka 2014
• Kazi ya Stourton iliyodumu kwa zaidi ya miaka 40 ilijumuisha miaka 10 katika kipindi cha Today cha Radio 4, One O’Clock News, na The World at One
• Viongozi wakuu wa BBC pamoja na waliokuwa wenzake kazini walimuenzi Stourton baada ya kutangazwa kwa kifo chake

Edward Stourton, mtangazaji mkongwe wa BBC ambaye taaluma yake ilidumu kwa zaidi ya miongo minne, alifariki dunia siku ya Jumamosi, Julai 19, akiwa na umri wa miaka 68.

Alikuwa akiishi na saratani ya tezi dume tangu alipogunduliwa na ugonjwa huo mwaka 2014, na alifariki akiwa amezungukwa na familia yake.

BBC ilithibitisha kifo chake, ikibainisha kuwa Stourton aliendelea kufanya kazi hadi hivi karibuni licha ya ugonjwa wake kutotibika tena na kusambaa kutoka sehemu ulipoanzia.

Katika kitabu chake cha kumbukumbu cha mwaka 2023, Confessions, alifichua kuhusu utambuzi wa ugonjwa huo na jinsi ulivyoendelea kuenea.

Pia soma

Jose Chameleone atumbukia msibani baada ya kifo cha wifi: “Hili ni jambo la kusikitisha sana”

Safari ya Edward Stourton katika utangazaji

Stourton alianza taaluma yake katika ITN, ambako alikuwa sehemu ya timu iliyozindua Channel 4 News, na baadaye akawa mwandishi wa kwanza wa kipindi hicho mjini Washington katika miaka ya mwisho ya urais wa Ronald Reagan.

Alijiunga na BBC mwaka 1988 kama mwandishi wa habari wa Paris, kabla ya kurejea ITN kama mhariri wa masuala ya diplomasia.

Baadaye alirejea tena BBC na kuwasilisha taarifa ya habari ya One O’Clock News kwenye BBC One.

Katika kipindi chake chote akiwa BBC, Stourton alihusishwa kwa karibu na Radio 4, ambapo aliwasilisha kipindi cha Today kwa takriban miaka kumi, pamoja na vipindi vya The World at One na Sunday.

Salamu za rambirambi kutoka kwa wenzake BBC

Jonathan Munro, kaimu mtendaji mkuu wa BBC News and Current Affairs, alimwelezea Stourton kama mtu mwenye utulivu na uthabiti katika maisha yake yote ya taaluma.

“Ni mapema mno kumpoteza Ed. Nilifanya kazi kama mtayarishaji wake alipokuwa mhariri wa diplomasia wa ITN, alikuwa mtulivu wakati huo na aliendelea kuwa hivyo siku zote,” Munro alisema.

Pia soma

Magazeti ya Kenya: Jinsi mashine ya kampeni ya Gachagua iIlivyoleta ushindi mkubwa wa 85% Ol Kalou

Mohit Bakaya, mdhibiti wa BBC Radio 4, alitoa salamu fupi za rambirambi:

“Ed alikuwa mtangazaji wa kipekee kabisa.”

Aliyekuwa mtangazaji mwenza wa kipindi cha Today, James Naughtie, alikumbuka ukarimu wa Stourton na kumwelezea kama mwanahabari mwenye uwezo mkubwa na uzoefu wa kipekee.

Mtangazaji mwingine wa zamani wa Today, Evan Davis, pia alimuenzi:

“Alikuwa mtu muhimu sana kwetu sote katika vipindi vya habari vya kila siku vya Radio 4.”

Davis aliongeza:

“Alikuwa mmoja wa watu ambao siku zote ulifurahia kuwa nao karibu. Alikuwa na maudhui, hakuwa na majivuno, alikuwa na maarifa ya kina na alikuwa wa kuaminika kabisa. Zaidi ya yote, alikuwa mmoja wa wenzake wenye wema mkubwa ambao mtu angeweza kuwa nao. Atakumbukwa sana.”

Tazama chapisho hapa chini:

Dermot Murnaghan alikuwa nani?

TUKO.co.ke pia iliangazia maisha na taaluma ya Dermot Murnaghan, mmoja wa nyuso zilizopendwa sana katika televisheni ya Uingereza, aliyefariki dunia Julai 11 baada ya kupambana kwa muda mrefu na saratani.

Alijulikana kwa taarifa zake za habari zenye kugusa hisia na mahojiano ya kukumbukwa. Moja ya nyakati zake za kuhuzunisha zaidi ilikuwa alipowatangazia wananchi kifo cha Princess Diana, tukio lililoacha alama ya kudumu nchini humo.

Pia soma

Betty Maina adokeza kuhusu kurudisha boti za serikali baada ya UDA ‘kuoshwa’ Ol Kalou

Read ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsApp: 0732482690.

Chanzo: TUKO.co.ke