#HABARI: Mahakama ya Wilaya ya Pangani, Mkoani Tanga, Novemba 14, 2025, imetoa hukumu dhidi ya watuhumiwa Idd Hamis Mohamed (55) na Huruma Mlengule Hosia (35), wote wakazi wa Kijiji cha Mseko, baada ya kupatikana na hatia ya makosa mawili kupatikana na nyara za Serikali na kumiliki silaha isivyo halali.
Awali, ilielezwa mahakamani kuwa mnamo tarehe Januari 5, 2025 katika eneo la Msubugo, Kijiji cha Mseko, Kata ya Kipumbwi, Tarafa ya Mwera, watuhumiwa walikamatwa na Askari Polisi wakishirikiana na Askari wa Uhifadhi ya Taifa Saadani wakiwa na nyama ya digidigi watatu yenye thamani ya Tsh 2,214,810, pamoja na silaha aina ya gobole.
Baada ya kukamatwa, kesi ilifunguliwa katika Kituo cha Polisi Pangani siku hiyo hiyo na upelelezi ukaanza mara moja. Upelelezi ulipokamilika tarehe 20 Mei, 2025, watuhumiwa walifikishwa katika Mahakama ya Wilaya ya Pangani, ambapo shauri lilipewa namba 372/2025 na kupelekwa mbele ya Mheshimiwa Hakimu Husna Mwiula – SRM.
Watuhumiwa walikana mashtaka yao mara baada ya kusomewa, na shauri liliendelea kwa kusikilizwa kwa mashahidi wa upande wa mashtaka.
Akisoma hukumu, mahakama iliridhika na ushahidi uliotolewa na upande wa mashitaka na watuhumiwa wote wawili kupatikana na hatia. Mahakama iliwapa hukumu kila mmoja;
Kifungo cha miaka 20 gerezani kwa kosa la kupatikana na nyara za Serikali na; Kifungo cha miaka 5 gerezani kwa kosa la kumiliki silaha isivyo halali.
JINSI YA KUSHIRIKI MCHEZO SUPA:
–
Tuma 1000 kupitia Airtel Money, Tigo Pesa, M – Pesa, Halopesa, kwenda namba ya kampuni 222223 kumbukumbu namba ni 777 au weka neno ITV.
#ITVDigital #ITVUpdates #ITVTanzania
#Follow @itvtz @radioonetanzania
@capitaldigitaltanzania
