#HABARI: Kampuni ya Mawasiliano na Huduma za kifedha kwa njia ya simu, Airtel Africa, imeendelea kuandika historia katika ukuaji wa sekta ya mawasiliano barani Afrika, baada ya kutangaza matokeo mazuri ya nusu mwaka yanayoonyesha ongezeko kubwa la mapato, idadi ya wateja na matumizi ya huduma za Kidijitali.
Kwa mujibu wa ripoti ya fedha ya miezi sita iliyomalizika Septemba 30, 2025, mapato ya Airtel Africa yaliongezeka kwa asilimia 24.5 na kufikia Dola Bilioni 2.98, ongezeko lililotokana na kuimarika kwa matumizi ya huduma za Data, Airtel Money, na huduma za sauti, kwa mara ya kwanza, huduma za Data zimekuwa chanzo kikubwa cha mapato, zikipanda kwa asilimia 37, huku Airtel Money ikiongezeka kwa asilimia 30.
Idadi ya wateja wa Airtel Africa imefikia takribani milioni 174, ikiwa ni ongezeko la asilimia 11, wateja wa data wakiongezeka kwa asilimia 20 hadi milioni 69.5, na watumiaji wa Airtel Money wakifika milioni 49.8. Kuongezeka huko kunachangiwa na matumizi makubwa ya simu janja ambayo sasa yamefikia asilimia 46.8, kutokana na mipango ya kampuni kusaidia wateja kumiliki simu hizo kwa mfumo wa mkopo unaolipwa kidogo kidogo.
Katika kupanua huduma zake, Airtel Africa imeongeza minara mipya zaidi ya 2,350 na kilomita 4,000 za nyaya za fibre optic, hatua inayofanya mtandao wake kufikia asilimia 81.5 ya masoko yake, huku asilimia 98.5 ya minara ikiwa na teknolojia ya 4G. Kampuni pia inaendelea na maandalizi ya kuanzisha teknolojia ya 5G katika maeneo yenye mahitaji makubwa ya data.
Powered by #MCHEZOSUPA
JINSI YA KUSHIRIKI MCHEZO SUPA:
–
Tuma 1000 kupitia Airtel Money, Tigo Pesa, M – Pesa, Halopesa, kwenda namba ya kampuni 222223 kumbukumbu namba ni 777 au weka neno ITV.
#ITVDigital #ITVUpdates #ITVTanzania
#Follow @itvtz @radioonetanzania
@capitaldigitaltanzania.
