Waziri wa Viwanda na Biashara wa Kenya, Wycliffe Oparanya ameitangaza Tanzania kuwa mshindi wa jumla wa Maonesho ya 25 ya Wajasiriamali Wadogo na wa Kati wa Jumuiya ya Afrika Mashariki “Jua Kali” baada ya kampuni ya utengenezaji magari ya KAYPEE Motors kushinda kipengele cha mjasiliamali bora wa Afrika Mashariki (Best Exhibitor – EAC) mwenye uwezo wa kutunza mazingira.
Ushindi huo umetangazwa katika hitimisho la maonesho hayo yaliyokuwa yakifanyika jijini Nairobi.
Maonesho hayo yalishirikisha zaidi ya wajasiriamali 3000 kutoka nchi nane zinazounda Jumuiya ya Afrika Mashariki yaliasisiwa mwaka 1999 kwa lengo la kuinua biashara za nchi wanachama na kuimarisha mshikamano miongoni mwa nchi hizo.
“Nchi wanachama ziongeze bajeti za kusaidia shughuli za wajasiliamali ili wabuni na kuzalisha bidhaa bora zinazokidhi mahitaji ya soko la Afrika Mashari na dunia kote na kuongeza matumizi ya teknolojia ya teknolojia ya habari na mawasiliano ili kuwezesha taarifa za biashara hizo kufika mbali zaidi” amesisitiza Waziri huyo.
Mbali na ushindi huo pia kampuni ya KAYPEE imefanikiwa kupata oda za magari mawili kutoka kwa Rais wa Kenya, Dkt. William Ruto na mengine sita yaliyoagizwa na watu wengine wa Kenya.
Imeandaliwa na @moseskwindi
