Wazee jijini Tanga wamewashauri vijana kuacha mihemko katika maamuzi badala yake wasikilize ushauri wa watu waliowazidi umri ambao wana ukomavu na busara.
Wakati wa mazungumzo na waandishi wa habari Mwenyekiti wa wazee Jiji la Tanga, Salum Bawazir amesema athari za maamuzi mabaya yaliyotokana na ushawishi ndio yamesababisha vurugu Octoba 29.
Hivyo amewataka vijana kuwa makini na watu wenye nia ovu ya kuwatumia vibaya na hivyo kusababisha changamoto ya uvunjifu wa amani.
“Madhara yaliyotokea nyote ni mashahidi hivyo sisi wazee wa Tanga tunawataka vijana kuacha kujihusisha kwenye vitendo vyote vya uvunjifu wa amani bali wahakikishe wanakuwa walinzi wa amani yetu, “amesema Bawazir.
Nae Samwel Kamote amesema amani ndio msingi wa taifa hivyo itakapoharibiwa kutatokea madhara makubwa ikiwemo kuyumba kiuchumi na maendeleo.
Nae Aziza Ramadhani amewataka vijana kuitumia Wizara ya Vijana kama sehemu ya daraja lao la kuwasilisha kero na changamoto zinazowakabili ili serikali iweze kuwasaidia