DODOMA: Waziri wa Maliasili na Utalii Dk, Ashatu Kijaji amekabidhiwa rasmi ofisi na mtangulizi wake Balozi Dk, Pindi Chana tayari kwa kuiongoza Wizara hiyo yenye mchango mkubwa kiuchumi nchini.
Katika makabidhiano hayo yaliyofanyika Mji wa Serikali, Mtumba Jijini Dodoma leo Novemba 20,2025,
Dk, Kijaji licha ya kumpongeza mtangulizi wake kwa hatua hiyo, amemshukuru Rais wa Jamhuri ya Muungano wa Tanzania Dk Samia Suluhu Hassan kwa kumwamini na kumteua kwenye nafasi hiyo, huku akiahidi kuwatumikia vyema nafasi hiyo kwa maslahi mapana ya wananchi na Taifa kwa ujumla.
Aidha aliyekuwa Waziri wa wizara hiyo Balozi Dk Pindi Chana, amemshukuru Rais Dk Samia Suluhu Hassan kwa kumwamini katika ngazi mbalimbali alizozitumikia na ameahidi kutoa ushirikiano kwa uongozi mpya wa wizara hiyo pale itakapo hitajika.
Zoezi hilo la Makabidhiano limeshuhudiwa na Naibu Waziri wa Maliasili na Utalii , Hamad Hassan Chande, Katibu Mkuu wa Wizara hiyo Dk, Hassan Abbasi na Kaimu Mkurugenzi wa Idara ya Utawala na Rasilimali Watu, Bi. Shani Kamala.
