Mkuu wa Baraza la Utawala wa Mpito la Mpito nchini Sudan, Abdel Fattah al-Burhan, amekataa pendekezo lililowasilishwa na mshauri wa Rais wa Marekani kuhusu masuala ya Kiarabu na Afrika, Massad Boulos, juu ya utatuzi wa mgogoro wa Sudan.
Al Bashir amelitaja pendekezo hilo kuwa ndilo “baya zaidi kuwahi kuwasilishwa” na kusema kwamba “ikiwa Boulos anataka suluhu, anapaswa kurejea kwenye ramani ya njia iliyowasilishwa na Baraza Kuu la Utawala.” Pia ameitaja Kamati ya Pande Nne iliyopewa jukumu la kumaliza vita vya ndani nchini Sudan kuwa ni ya “upendeleo.”
Al-Burhan amesema, waraka wa pendekezo la Marekani “unafuta uwepo wa vikosi vya jeshi, unataka kufutwa mashirika yote ya usalama na kubakishwa wanamgambo waasi katika maeneo wanayoyashikilia.”
Pia amekosoa vitisho vilivyotolewa na mshauri wa Rais wa Marekani kuhusu masuala ya Kiarabu na Afrika, Massad Boulos kwa serikali ya Khartoum alipoituhumu kuwa inazuia kuwasili misafara ya misaada ya kibinadamu na kutumia silaha za kemikali. Al-Burhan ameeleza kwamba “ikiwa upatanishi utaendelea katika mwelekeo unaowasilishwa na Massad Boulos, basi tutautambua kuwa ni upatanishi unaoegemea upande mmoja.”
Mkuu wa Baraza la Utawala wa Mpito la Mpito nchini Sudan amesisitiza katika kikao chake na mshauri wa Rais wa Marekani kuwa, “Waraka wako huu haukubaliki,” na kusema kuna haja ya kupitisha ramani ya njia iliyowasilishwa na serikali ya Sudan.
Abdel Fattah al-Burhan ameongeza kuwa: “Tunahofia kwamba mshauri wa Rais wa Marekani kuhusu masuala ya Kiarabu na Afrika, Massad Boulos atakuwa kikwazo kwa amani ambayo watu wote wa Sudan wanaitafuta.”
Amesisitiza kuwa “wanamgambo waasi wanapaswa kurudi nyuma na kukusanyika katika maeneo ambayo yanaweza kuafikiwa na mpatanishi,” akiongeza kuwa “hakuna pingamizi la kusitishwa mapigano, iwapo wanamgambo waasi wataondoka katika maeneo waliyoyavamia baada ya makubaliano ya Jeddah.”