#HABARI: Mkuu wa Wilaya ya Kinondoni, Saad Mtambule, ameipongeza Taasisi ya Zuia Rushwa VICOBA kwa mchango wake mkubwa katika kuimarisha maadili, kupambana na rushwa, na kuwawezesha wananchi kiuchumi kupitia mifumo ya Vicoba.
Akizungumza wakati wa maadhimisho ya Sekta Day, DC Mtambule amesema Serikali inazitambua taasisi kama hizo kuwa nguzo muhimu katika mabadiliko ya kijamii, hasa kwa vile zinafanya kazi moja kwa moja na kaya pamoja na wanajamii katika ngazi ya chini.
Amesema Serikali kupitia TAKUKURU, NEEC na Halmashauri mbalimbali, inaendelea kutoa elimu kwa makundi ya vijana na wanawake kuhusu maadili, uadilifu na mapambano dhidi ya rushwa, huku akisisitiza kuwa ushirikiano na vikundi vya uzalishaji kama Zuia Rushwa VICOBA ni sehemu ya mkakati wa kitaifa wa kuimarisha maadili.
Mtambule amewasihi wanachama wa VICOBA kuendelea kushirikiana na Serikali katika juhudi za kuinua uchumi wa wananchi na kupinga vitendo vya rushwa katika ngazi zote.
Powered by #MCHEZOSUPA
JINSI YA KUSHIRIKI MCHEZO SUPA:
-Tuma 1000 kupitia Airtel Money, Tigo Pesa, M – Pesa, Halopesa, kwenda namba ya kampuni 222223 kumbukumbu namba ni 777 au weka neno ITV.
#ITVDigital #ITVUpdates #ITVTanzania
#Follow @itvtz @radioonetanzania
@capitaldigitaltanzania.