BAO la penalti katika dakika za majeruhi lililofungwa na mtokea benchi, Marouf Tchakei imeiwezesha Singida Black Stars kuandika historia ya kuvuna pointi ya kwanza ya katika mechi za makundi ya Kombe la Shirikisho Afrika baada ya kutoka sare ya 1-1 na Stellenbosch ya Afrika Kusini.

Singida inayoshiriki michuano hiyo kwa mara ya kwanza, imekwepa mtego uliowahi kuinasa Namungio iliposhiriki michuano hiyo kwa mara ya kwanza na kushindwa kupata pointi wala bao lolote kuopitia mechi sita msimu wa 2020-2021.

Gundu hilo la Namungo, limeinasa Azam FC iliyopo Kundi B la michuano hiyo ikishiriki mara ya kwanza pia msimu huu, ikishindwa kupata pointi na bao lolote kupitia mechi mbili ilizocheza.

SINGI 01

Shukrani ya pekee ikienda kwa Tchakei alitumia nafasi ya mkwaju wa penalti baada ya nyota wa timu hiyo kuchezewa madhambi langoni mwa Stellenbosch kwa kufunga kiufundi  na kuikoa Suingida kupoteza kwa mara ya pili katika Kundi C kwani awali ililala 2-0 mbele ya Cr Belouizdad ya Algeria.

Ikicheza nyumbani kwenye Uwanja wa Amaan Zanzibar, Singida imesalia mkiani mwa kundi licha ya kuvuna alama hiyo moja, huku Stellenbosch ikikaa kileleni ikifikisha pointi nne baada ya mechui mbili huku Otoho d’Oyo ya Togo na CR Belouizdad zikifuata kila moja ikiwa na pointi tatu na kutofautiana mabao ya kufunga na kufungwa.

Singida itajilaumu yenyewe kwa kushindwa kutengeneza mabao kufuatia wachezaji wake kupoteza nafasi nyingi za wazi ilizotengeneza hasa kipindi cha kwanza, ikiwamo ya dakika12 kupitia Mshambuliaji Elvis Rupia aliyeshindwa kumalizia krosi ya beki wake wa kulia, Andre  Koffi.

SINGI 02

Wanatengeneza shambulizi lingine zuri dakika ya 23 Rupia tena shuti lake hafifu linamgonga mwenzake Horso Muaku kisha kipa anacheza.

Naye Clatous Chama dakika ya 28 alipata nafasi nzuri lakini shuti lake likapanguliwa na kipa wa Stellenbosch vizuri kisha mabeki wakaokoa.

Kipindi hicho cha kwanza Stellenbosch haikutengeneza nafasi yoyote nzuri ikikosa hata kuwa na shuti lililolenga lango na timu hizo kwenda mapumziko zikiwa hazijafungana.

SINGI 03

Kipindi cha pili Stellenbosch ilikianza kwa ma mabadiliko ikirudi kwa kasi na kushambulia kwa nguvu.

Stellenbosch ikafanikiwa kupata bao dakika ya 52 mfungaji akiwa Langelihke Phili aliyewatoka mabeki wa wenyeji na kwenda kufunga kirahisi na kufanya wenyeji chini ya Miguel Gamondi kucharuka hasa baada ya mabadiliko kadhaa ya wachezaji na kupata bao la kusawazisha la penalti.

Leave a Reply

Your email address will not be published. Required fields are marked *