Shirikisho la Sekta Binafsi Tanzania (TPSF) linapenda kuuarifu umma, Wanachama wake, Washirika, na Wadau kuhusu mabadiliko ya uongozi wa Shirikisho.
Tarehe 3 Oktoba 2025, Baraza la Uongozi la TPSF lilimsimamisha kazi Afisa Mtendaji Mkuu, Bw. Raphael Maganga, na kuagiza kufanyika kwa ukaguzi wa kiuchunguzi (forensic audit) kufuatia wasiwasi uliobainika kuhusu masuala ya utawala na taratibu za ndani.
Baada ya kukamilika, ripoti ya ukaguzi wa kiuchunguzi ilipitiwa kupitia mifumo ya utawala na nidhamu ya Shirikisho. Kwa kuzingatia mapendekezo yaliyotokana na mchakato huo, Baraza la Uongozi liliamua kusitisha mkataba wa ajira wa Bw. Raphael Maganga kwa misingi ya utovu wa nidhamu, kuanzia tarehe 29 Desemba 2025.
Ili kuhakikisha mwendelezo wa uongozi na uendeshaji usiokatizwa wa shughuli za Shirikisho, Baraza la Uongozi limemteua Bw. Deogratius Massawe kuwa Kaimu Afisa Mtendaji Mkuu wa TPSF, kuanzia tarehe 29 Desemba 2025, hadi hapo itakapotangazwa vinginevyo.
TPSF inaendelea kushikamana kikamilifu na misingi ya utawala bora, uwajibikaji, uwazi, na uadilifu, na itaendelea kushirikiana kwa karibu na Wanachama wake, Serikali, Washirika wa Maendeleo, na sekta binafsi kwa ujumla ili kuendeleza maslahi ya sekta binafsi nchini Tanzania.
Shirikisho linawahakikishia wadau wote kwamba vipaumbele vyake vya kimkakati na utoaji wa huduma vinaendelea kama kawaida bila mabadiliko.
#CloudsDigitalUpdates
