Usiku wa Jumatano, Machi 5, taarifa rasmi kutoka kwa Waziri Mkuu imetangaza kupokea barua ya kujiuzulu kutoka kwa Waziri wa Nchi na Waziri wa Elimu ya Juu, Utafiti wa Sayansi, na Mafunzo ya Ufundi. Barua hiyo iliwasilishwa kwa Rais wa Jamhuri, taarifa hiyo iliongeza. Hakuna maelezo rasmi ambayo yametolewa kuhusu sababu za kujiuzulu kwa waziri huyo, lakini inaaminika kwamba kufutwa kwa mradi unaoungwa mkono na waziri huyo wa zamani ndio sababu ya kujiuzulu kwake.
Imechapishwa:
Dakika 1 Wakati wa kusoma
Matangazo ya kibiashara
Na mwandishi wetu huko N’Djamena, Nadia Ben Mahfoudh
Tangu aingie madarakani, Tom Erdimi alijaribu kurekebisha elimu ya juu nchini Chad. Mnamo mwezi Julai 2025, agizo la kirais lilisainiwa la kugawa Kituo cha Kitaifa cha Huduma za Vyuo Vikuu (CENOU), kinachohusika na kuwasaidia wanafunzi kwa huduma za afya, makazi, na chakula, zinazosimamiwa kwa sasa kutoka mji mkuu.
Mageuzi hayo, ambayo tayari yanaendelea vizuri na yanayoungwa mkono na Tom Erdimi, yalipanga kuwajumuisha wafanyabiashara kutoka kila mkoa wa nchi katika mchakato huu. Kulingana na chanzo kilicho karibu na ikulu ya rais, mradi huu wa ugatuzi wa madaraka ulifutwa siku chache zilizopita na ofisi ya rais. Hili linaelezea kujiuzulu kwa Tom Erdimi, kulingana na chanzo hicho.
Akiwa Waziri wa Nchi tangu mwezi Oktoba 2022, mwezi mmoja baada ya kurudi kutoka Misri ambapo alikimbilia uhamishoni na kisha kufungwa, Tom Erdimi alijiunga na serikali ya mpito ya Mahamat Idriss Déby kufuatia mchakato wa Doha. Akijulikana kwa historia yake kama kiongozi wa waasi, ni mwanzilishi mwenza wa Muungano wa Vikosi vya Upinzani. UFR ni mojawapo ya makundi makuu ya waasi wa Chad katika miaka ya hivi karibuni, yaliyozimwa kwa msaada wa jeshi la Ufaransa wakati wa shambulio lao mwaka wa 2019.