Katika siku ya kumi na nane ya vita vya Mashariki ya Kati, mashambulizi ya anga ya Israeli na Marekani yanaendelea kusakama miji mikuu ya Iran na Lebanon. Siku ya Jumanne jioni, Tehran ilithibitisha kifo cha mkuu wa Baraza kuu la usalama wa taifa, Ali Larijani, ikiahidi “kulipiza kisasi”. Jeshi la Israel lilijitangaza “limeazimia” “kumsaka, kumpata, na kumua” Kiongozi Mkuu mpya wa Iran, Mojtaba Khamenei.
Imechapishwa:
Dakika 1 Wakati wa kusoma
Matangazo ya kibiashara
“Damu safi ya [Ali Larijani] na mashahidi wengine wapendwa italipizwa kisasi,” alitangaza Jenerali Amir Hatami, mkuu wa jeshi la Iran, katika taarifa iliyochapishwa na shirika la habari la Tasnim baada ya kifo cha mkuu wa Baraza Kuu la Usalama wa Taifa, ambaye aliuawa pamoja na wengine kadhaa katika shambulio la anga huko Tehran.
Kwa upande wao, Kikosi cha Walinzi wa Mapinduzi ya Kiislamu (IRGC) kilitangaza katika taarifa kwamba mashambulizi yaliyowaua watu wawili karibu na Tel Aviv Jumanne usiku yalianzishwa “ili kulipiza kisasi” cha Ali Larijani na maafisa wengine waliouawa siku ya Jumanne katika mashambulizi dhidi ya Iran.
Siku ya Jumanne, Machi 17, jeshi la Israel lilidai kumuua Ali Larijani, katibu wa Baraza kuu la usalama wa taifa, katika shambulio dhidi ya Iran usiku, pamoja na Jenerali Gholamreza Soleimani, kamanda wa wanamgambo wa Basij. Vifo vyao vilithibitishwa siku ya Jumanne jioni. Jeshi la Israel liliapa “kumsaka, kumpata, na kumuangamiza” Kiongozi Mkuu wa Iran Mojtaba Khamenei.