Nchini Iraq, mamlaka imetoa “haki ya kulipiza kisasi na kujilinda” siku ya Jumanne jioni kwa Kikosi cha wanamgambo wa zamani cha Hachd Al-Chaabi na vikosi vya usalama ili kukabiliana na “mashambulizi ya kijeshi” dhidi ya kambi zao.
Imechapishwa:
Dakika 1 Wakati wa kusoma
Matangazo ya kibiashara
Kabla ya alfajiri, wapiganaji 15 wa Hachd waliuawa katika shambulio lililohusishwa na Marekani na muungano huu, ambao umejumuishwa katika vikosi vya serikali lakini unajumuisha makundi yanayounga mkono Iran. Kaskazini, Mkoa wa Kurdistan unaojitegemea uliishutumu Iran kwa mashambulizi ya makombora ya balestiki yaliyowaua wanajeshi sita kutoka vikosi vyake vya jeshi, Peshmerga. Washington wala Tehran hawakujibu mara moja shutuma hizo.
Wizara ya Mambo ya Nje ya Iraq ilitangaza mapema Jumanne kwamba ilimwita kamishna mkuu wa Marekani na balozi wa Iran kuwakabidhi “hati rasmi inayopinga na kulaani “mashambulizi hayo mawili.
Siku ya Jumanne jioni, Baghdad iliongeza hatari na kutoa haki ya kulipiza kisasi na kujilinda ili “kukabiliana kwa njia zote” na mashambulizi yanayofanywa na “ndege za kivita au ndege zisizo na rubani” zinazolenga “ngome na vitengo vya jeshi la serikali vya Hachd Al-Chaabi na vikosi vingine vya jeshi.”
Kipimo hiki kinatumika kwa vitengo vya vikosi vya serikali vinavyotii maagizo ya serikali. Kwa kweli, Hachd Al-Chaabi ina hadhi isiyoeleweka: ingawa muungano huu umeunganishwa katika vikosi vya serikali, baadhi ya makundi yanayojumuishwa katika vikosi hivi, vinashirikiana na Tehran na pia hufanya kazi kwa uhuru, nje ya mfumo wa serikali.
Makundi haya yenye silaha yanayounga mkono Iran yanadai kuwajibika kila siku kwa mashambulizi kadhaa ya roketi na ndege zisizo na rubani dhidi ya wanajeshi wa Marekani na maslahi yao nchini Iraq na Mashariki ya Kati. Serikali ya Iraq imelaani mashambulizi haya.
Kwa kulipiza kisasi, makundi haya yanalengwa na mashambulizi ya anga yanayohusishwa na Marekani au Israel. Pentagon imekiri kutumia helikopta za mashambulizi kushambulia makundi yyenye silaha yanayounga mkono Iran nchini Iraq. Mashambulizi haya pia yamelenga vituo vya serikali ndani ya Kikosi cha serikali cha Hachd, mashambulizi ambayo Baghdad imeshutumu.