#HABARI: Viongozi mkoani Singida wamehimizwa kuhakikisha wananchi wanashirikishwa kikamilifu na kupewa taarifa sahihi kuhusu utekelezaji wa miradi ya Serikali ili kujenga uwajibikaji, kuongeza uwazi, na kuimarisha ulinzi wa rasilimali za Taifa.
Katibu Tawala wa Mkoa wa Singida, Dkt. Fatma Mganga, amebainisha kuwa rasilimali nyingi za nchi bado hazijulikani na Watanzania walio wengi, jambo linalofanya ulinzi na utunzaji wake kuwa mgumu.
Kusisitiza jambo hilo, amefafanua kuwa ushirikishwaji wa wananchi kwa uwazi ni nguzo muhimu ya utawala bora kuanzia ngazi ya kijiji hadi mkoa, na kutokana na uwepo wa watu wasio waaminifu, Serikali imeamua kutunga sheria kali zitakazochukua nafasi ya faini za zamani ambazo zilikuwa hazitishi wahalifu.
Kwa upande wake, Katibu Tawala wa Wilaya ya Singida, Naima Chondo, ameeleza kuwa changamoto kubwa inayofanya wananchi wasijitoe kuchangia ulinzi wa miradi hiyo ni ukosefu wa elimu katika jamii.
Ameongeza kuwa utoaji wa elimu hii una manufaa makubwa sana kwa viongozi ili waweze kuelewa umuhimu wa kuwashirikisha wananchi katika kulinda maliasili za nchi.
Kupitia uelewa huo, jamii itaacha kuwa mtazamaji na badala yake itakuwa mstari wa mbele kulinda uwekezaji unaofanywa na Serikali kwa maslahi ya kizazi cha sasa na kijacho.
Katika kufanikisha azma hiyo, Serikali kupitia Wizara ya Katiba na Sheria tayari imechukua hatua madhubuti kwa kutoa elimu hiyo katika Halmashauri 112 za Tanzania Bara.
Mafunzo hayo yamehusisha jumla ya watendaji na viongozi wa Serikali za Mitaa 5,111, lengo likiwa ni kuwajengea uwezo wa kusimamia rasilimali hizo kwa kushirikiana na wananchi wao.
Hatua hii inatarajiwa kuleta mabadiliko makubwa katika utunzaji wa mali za umma na kuhakikisha miradi yote ya maendeleo inalindwa kikamilifu kote nchini.
Powered by #MCHEZOSUPA
JINSI YA KUSHIRIKI MCHEZO SUPA:
-
Tuma 1000 kupitia Airtel Money, Tigo Pesa, M – Pesa, Halopesa, kwenda namba ya kampuni 222223 kumbukumbu namba ni 777 au weka neno ITV.
#ITVDigital #ITVUpdates #ITVTanzania
Follow @itvtz @radioonetanzania
@capitaldigitaltanzania.
(Feed generated with FetchRSS)