Kadri uwezekano wa mageuzi ya katiba unavyojitokeza mara kwa mara katika mjadala nchini DRC, Baraza Kuu la Maaskofu nchini DRC (CENCO) linarudia onyo lake kuhusu mada hiyo. “Kuelekea upande huo, katika muktadha wa sasa wa usalama, kutazidisha mgogoro huo,” anasema Askofu Donatien Nshole.
Imechapishwa: Imehaririwa:
Dakika 1 Wakati wa kusoma
Matangazo ya kibiashara
Nchini Jamhuri ya Kidemokrasia ya Kongo (DRC), Kanisa Katoliki limetoa msimamo wake kuhusu mjadala mkali unaoendelea nchini: uwezekano wa kurekebisha au kubadilisha Katiba, mradi unaohahalishwa na chama tawala.
Maaskofu wa Kanisa Katoliki wanao kutoka Baraza Kuu la Maaskofu Katoliki nchini DRC (CENCO), kupitia Katibu Mkuu wao, Askofu Donatien Nshole, wanaonya dhidi ya hila zinazohatarisha kuzidisha mgogoro wa usalama nchini.
Ingawa marekebisho ya katiba ni halali, maaskofu wanaona mradi huu kuwa si mzuri, kama Askofu Donatien alivyomwelezea mwandishi wetu Pascal Mulegwa: “Kanuni ya marekebisho ya katiba ni ya kikatiba, ingawa kwa baadhi ya masharti … Je, tunaweza kugusa kile ambacho hatupaswi kugusa? CENCO (Baraza Kuu la Maaskofu Katolika nchini DRC ) iko wazi: kwenda katika mwelekeo huu, katika muktadha wa sasa wa usalama, kutazidisha tu mgogoro. Hili ni baraza la wazee wa busara. Lazima tuepuke kosa la kisiasa ambalo linaweza kuzidisha, au kutumika kama kisingizio cha kuzidisha hali ya usalama.”
“Kuzorota kwa hali ya usalama ndio jambo la dharura leo”
Askofu Donatien aliongeza: “Maaskofu wanatilia maanani sana kila kitu kinachohusu ustawi wa raia, na haswa masuala ya amani. Ni wazi kwamba mbinu yoyote ya kisiasa inayotishia amani ya kijamii haitawaacha maaskofu bila kujali.” “Na kumalizia,” alisema, “hali ya usalama inayozorota ndiyo hasa inayohitajika leo. Kuhusu utekelezaji wa mkataba huu wa kijamii, maaskofu walibainisha kwamba haupaswi kuchanganywa na mazungumzo ya kisiasa yanayolenga kugawana madaraka.”
Mnamo Machi 24, takriban wanaharakati kumi wa upinzani walikamatwa mjini Kinshasa wakati wakipinga uwezekano wowote wa kubadilisha au kurekebisha Katiba, katika muktadha ambapo viongozi ndani ya chama tawala wanajadili uwezekano wa marekebisho ambayo yangemruhusu rais wa sasa Félix Tshisekedi kugombea muhula wa tatu.