Katika siku ya pili ya ziara yake barani Afrika, rais wa Ufaransa aliondoka Alexandria, Misri, asubuhi ya Jumapili, na kuelekea nchini Kenya, Afrika Mashariki. Alipofika Nairobi, mji mkuu wa Kenya, amefanya mkutano wa ana kwa ana na mwenzake wa Kenya, William Ruto.
Imechapishwa:
Dakika 3 Wakati wa kusoma
Matangazo ya kibiashara
Wakati wa mkutano wa pamoja na waandishi wa habari wa Ufaransa, Emmanuel Macron amedai kwamba enzi ya “nyanja ya ushawishi” ya Ufaransa katika nchi za Afrika zinzozungumza Kifaransa “imekwisha” tangu mwaka 2017, mwaka alioingia madarakani.
Rais Emmanuel Macron amewasili Nairobi, Kenya, Jumapili alasiri kwa ajili ya mkutano wa kilele wa Africa Forward, ambao utafanyika Mei 11 na 12, ili kufikiria upya ushirikiano kati ya Ufaransa na bara la Afrika.
Alipofika, ameenda moja kwa moja ikulu ya rais wa Kenya, State House, kwa mkutano wa pande mbili na mwenzake wa Kenya, William Ruto. Wote wawili wamehutubia waandishi wa habari. Alipoulizwa kuhusu kufanya mkutano huo katika nchi inayozungumza Kiingereza kwa mara ya kwanza, Rais Emmanuel Macron ameeleza nia yake ya kuiona Afrika kwa “umoja wake.”
Ni bara ambalo sitaki tena Ufaransa ionekani kama nyanja ya ushawishi ambapo viongozi wa biashara watakuwa na haki zote au mikataba yote iliyohakikishwa kwao kwa sababu tu ni Afrika inayozungumza Kifaransa, ambapo baadhi ya watu walihisi kwamba Ufaransa ilitoa aina ya sera ya bima, haijalishi ni nini, kwa kuwa hapo ili kuzishawishi au kuvunja serikali. Hilo limekwisha. Tangu mwaka 2017, enzi hiyo imekwisha.” Kwanza, kwa sababu muda mrefu kabla ya mwaka 2017 kampuni zetu zilikuwa zimeanza kupoteza sehemu ya soko katika nchi za Afrika zinzozungumza Kifaransa. Iliongelewa sana, lakini ilikuwa ikitokea kwa sababu Afrika ina ushindani, na ni sawa tu. Na kwa sababu naamini katika ushirikiano wenye usawa. Kwa hivyo mabadiliko ambayo tumekuwa tukiyafanya kwa miaka 10 iliyopita. Mabadiliko haya yanatufanya tusema: kote Afrika, watu wanaamini katika uhuru wa eneo na uadilifu wao wa eneo. Kuna mapinduzi nchini Mali? Hamtaki tena Ufaransa kwa sababu hamtaki tena kupambana na ugaidi? Tunaondoka! Kama wanavyosema kwa Kifaransa kizuri, hakuna kosa. Kwa bahati mbaya, matukio ya sasa yanaonyesha kwamba huenda huu haukuwa uamuzi bora zaidi ambao viongozi wa mapinduzi ya Mali walifanya kwa ajili ya nchi yao.
“Uhusiano wa amani na wenye kujenga na Algeria”
Emmanuel Macron ameelezea matumaini yake kwamba ziara ya hivi karibuni ya Waziri wake Mjumbe wa maajeshi, Alice Rufo, nchini Algeria inaashiria “mwanzo” wa “kurejesha” uhusiano kati ya nchi hizo mbili. Amekosoa vikali “msimamo wa kisiasa wa ndani” wa miezi ya hivi karibuni, ambao, kulingana na yeye, “umesababisha madhara makubwa” kwa Ufaransa na Algeria.
“Ninaona ni wajibu wangu kutetea maslahi ya raia wa Ufaransa,” amesema. Kwake, maslahi haya yanategemea “uhusiano wa amani na wenye kujenga na Algeria.” Amebainisha kwamba uhusiano huu lazima uwe “wa heshima kwa pande zote mbili,” huku pia ukiruhusu suluhisho kupatikana “katika masuala yote.”
Wakati wa ziara hii, Alice Rufo na Rais wa Algeria Abdelmadjid Tebboune wameanzisha mpango unaolenga “kuimarisha” ushirikiano wao, haswa katika sekta za usalama na kijeshi. Mpango huu unakuja baada ya karibu miaka miwili ya mgogoro mkubwa wa kidiplomasia kati ya nchi hizo mbili.
“Miezi michache iliyopita imesababisha madhara makubwa kwa Algeria na Ufaransa,” Emmanuel Macron amebainisha, akiongeza kuwa haikuwa kwa maslahi ya nchi yoyote “kuendelea na mbinu hii” au kudumisha “aina yoyote ya msimamo wa kisiasa wa ndani.” “Nia yangu ni kutenda kwa vitendo” ili kufikia “suluhisho zinazowajibika na Algeria,” amebainisha, iwe masuala ya “kibinadamu, uhamiaji, usalama, uchumi, au kikanda.”