Orodha ya timu 6 ambazo tayari zimefuzu kwa Kombe la Dunia 2030 yaibuka

• Mataifa sita tayari yamehakikisha nafasi zao katika michuano ijayo ya Kombe la Dunia la FIFA mwaka 2030, litakalofanyika katika mabara matatu
• Uhispania ilitwaa ubingwa wa Kombe la Dunia 2026 baada ya kuiondoa madarakani Argentina, mabingwa wa mwaka 2022, katika fainali ya Julai 19
• Kombe la Dunia la mwaka 2030 litafanyika katika mabara matatu huku FIFA ikiadhimisha miaka 100 tangu kufanyika kwa Kombe la Dunia la kwanza

Mataifa sita tayari yamefuzu kushiriki Kombe la Dunia la FIFA 2030 bila hata kucheza mechi ya kufuzu, kutokana na mpangilio wa kipekee wa wenyeji wa mashindano hayo ambao unazihakikishia tiketi ya moja kwa moja nchi zote zitakazoandaa angalau mechi moja.

Uhispania itaingia kwenye mashindano hayo ikiwa mabingwa watetezi baada ya kuifunga Argentina katika fainali ya Kombe la Dunia 2026 iliyochezwa Jumapili.

Ni mataifa gani yamefuzu Kombe la Dunia 2030?

Uhispania, Ureno na Morocco ndio wenyeji wakuu wa Kombe la Dunia 2030, huku Argentina, Uruguay na Paraguay kila moja ikiandaa mmoja wa mechi tatu za ufunguzi kama sehemu ya maadhimisho ya miaka 100 tangu kufanyika kwa Kombe la Dunia la kwanza.

Pia soma

Kiasi Gani Ghetto Kids na Shakira Watalipwa kwa Kutumbuiza Katika Fainali ya Kombe la Dunia 2026

Zaidi ya hayo, FIFA imeandaa mfumo huo maalum kuadhimisha miaka 100 tangu Kombe la Dunia la kwanza lililofanyika Uruguay mwaka 1930.

Kwa heshima ya historia hiyo, mataifa matatu ya Amerika Kusini—Argentina, Uruguay na Paraguay—yataandaa mechi moja ya ufunguzi kila moja kabla ya sehemu kubwa ya mashindano kuhamia Ulaya na Afrika.

Kwa mujibu wa kanuni za FIFA, nchi zinazoandaa mashindano hupata tiketi ya moja kwa moja ya kushiriki bila kujali matokeo yao katika mechi za kufuzu za mabara yao.

Hivyo basi, timu zote sita tayari zimehakikisha nafasi zao katika mashindano hayo.

Hii inajiri muda mfupi baada ya Uhispania kutwaa ubingwa wa Kombe la Dunia 2026 kwa kuifunga Argentina bao 1-0 katika fainali.

Kwa La Roja, ushindi huo unaongeza uzito wa hadhi yao kama mmoja wa wenyeji wa Kombe la Dunia 2030, maana mabingwa hao wa dunia watapata nafasi ya kutetea taji lao nyumbani.

Pia itakuwa mara ya pili kwa Kombe la Dunia kufanyika katika ardhi ya Afrika.

Kwa nini Uhispania haitabaki na Kombe la Dunia

Pia tuliangazia taarifa kuhusu ushindi wa kihistoria wa Uhispania dhidi ya Argentina katika fainali ya Kombe la Dunia 2026, ambapo Ferran Torres alifunga bao la ushindi.

Pia soma

Kwa nini Uhispania haitaruhusiwa kubaki na Kombe la Dunia licha ya kuifunga Argentina

Licha ya kuinua kombe hilo, kanuni za FIFA zinamaanisha kuwa Uhispania haitaruhusiwa kubaki na kombe halisi, jambo lililozua maswali kuhusu namna tuzo hiyo maarufu duniani inavyosimamiwa.

Makala haya yamedhaminiwa kwa fahari na 1XBet.

Read: ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsApp: 0732482690.

Chanzo: TUKO.co.ke