Nchini Madagascar, Rais Rajoelina anafanya mfululizo wa mashauriano. Baada ya kukutana na makundi ya wafanyabiashara, maafisa wakuu, na viongozi wa kanisa wiki iliyopita, ameratibiwa kufanya mazungumzo na mashirika ya vijana, sekta ya kitamaduni, na waandishi wa habari leo Jumatano Septemba 8.
Imechapishwa:
Dakika 2 Wakati wa kusoma
Matangazo ya kibiashara
Na mwandishi wetu wa Antananarivo, Guilhem Fabry
Lengo lililotajwa: kuendeleza suluhu za matatizo ya Madagascar, karibu wiki mbili baada ya kuanza kwa maandamano ya vijana ambayo hayajawahi kushuhudiwa nchini humo. Lakini mashauriano haya kwa kiasi kikubwa yamekataliwa na waandamanaji.
Nchini Madagascar, serikali inapendekeza majadiliano ya moja kwa moja na rais, bila orodha ya maswali kushughulikiwa mapema. Wizara ya Mawasiliano inaahidi mazungumzo ya dhati katika Ikulu ya Iavoloha, hasa kuhusu uhuru wa vyombo vya habari na uhuru wa kujieleza.
Duru ya mashauriano iliyoanzishwa na Rais Rajoelina mnamo Oktoba 4 inapaswa kukuza utulivu. Lakini mbinu hii, tofauti na mashauriano ya kitaifa ambayo yataanza hivi karibuni chini ya uangalizi wa Baraza la Makanisa ya Kikristo Ulimwenguni, haijawashawishi viongozi wa maandamano.
Vuguvugu la vijana, Gen Z, ambalo halijajumuishwa katika orodha ya “makundi” yayoalikwa na rais, linakataa kushiriki katika mazungumzo yoyote hadi matakwa yake, ikiwa ni pamoja na kufutwa kazi kwa Rais wa Bunge la Seneti, yatimizwe. Msimamo kama huo unachukuliwa na Mshikamano wa Muungano wa Wafanyakazi wa Madagascar, ambao, kama mashirika 300 ya kiraia, unaonyesha mkanganyiko kati ya mazungumzo yaliyotetewa na Andry Rajoelina na kuendelea kukandamizwa kwa maandamano.
“Mashauriano hayana budi,” anabainisha Christiane Rafidinarivo, anasema mtaalamu wa masuala ya siasa na mtafiti mshiriki katika kitivo cha masuala ya siasa, lakini inaweza kuwa aina ya uhakikisho kwa taasisi za kimataifa, anaeleza, ili kuonyesha kwamba rais amejitolea kwa njia ya wazi.
Muungano wa Gen Z watoa muda wa mwisho kwa Mkuu wa Nchi
Nchini Madagascar, uteuzi wa Jenerali Rufin Fortunat Zafisambo kama Waziri Mkuu hautulizi hasira. Siku kumi na mbili baada ya kuanza kwa maandamano ya vijana ambayo hayajawahi kushuhudiwa nchini humo, Rais Rajoelina alimpa miezi sita kuboresha usambazaji wa maji na umeme na kutokomeza ufisadi. Lakini waandamanaji wanaamini uteuzi huu haukidhi matakwa yao. Kwa hiyo wametoa kauli ya mwisho kwa Rais wa Jamhuri.
Kundi la Gen Z Madagascar linampa Andry Rajoelina hadi jioni ya Septemba 8 kutimiza orodha ya mahitaji. Miongoni mwa mahitaji hayo ni kufutwa kazi kwa Rais wa Bunge la Seneti Jenerali Richard Ravalomanana, ambaye ameshutumiwa vikali na umma, na kufunguliwa kwa uchunguzi dhidi ya mfanyabiashara Mamy Ravatomanga, mshirika wa karibu wa Rais Rajoelina.
Muungano huo, ambao unasema unakataa “jaribio lolote la kubadilisha siasa,” unaungwa mkono na shirika lisilo la kiserikali la Transparency International na Madagascar Trade Union Solidarity, chama kikuu cha wafanyakazi nchini humo. Muungano huu unatishia kuanzisha mgomo mkuu wa nchi nzima iwapo rais hataafikia matarajio yao ndani ya muda uliotolewa.
Uteuzi wa Waziri Mkuu huyu mpya pia unakosolewa na Firaisankina, jukwaa kuu la upinzani, ambalo linashutumu kama “chokozi dhidi ya watu wa Madagascar.” Jenerali Zafisambo, hadi sasa mkurugenzia mwenye dhamana ya masuala ya majeshi katika ofisi ya Waziri Mkuu anayeondoka, hawezi kujumuisha “mabadiliko kamili ya mfumo” yanayotakiwa na watu wa Madagascar, kulingana na jukwaa la upinzani.