Shutuma mpya za uvunjifu wa amani zaikumba Pembe ya Afrika: Addis Ababa inashutumu jirani yake, Eritrea, na Tigray People’s Liberation Front (TPLF) kwa “kujiandaa kikamilifu kwa vita dhidi ya Ethiopia.” Kwa kujibu, Eritrea pamoja na TPLF, chama cha kisiasa katika eneo la kaskazini mwa Ethiopia, ambalo linapakana na Eritrea, kila upande, umelaani uongo na madai yasiyo na msingi.
Imechapishwa:
Dakika 1 Wakati wa kusoma
Matangazo ya kibiashara
Awali Ethiopia ilishutumu Eritrea na Kikosi cha Ukombozi cha Watu wa Tigray (TPLF) kwa kujaribu kuvuruga utulivu na kuingilia kati masuala ya ndani ya nchi hiyo. Inawashutumu kwa kufadhili makundi yenye silaha yanayopigana dhidi ya serikali ya shirikisho katika jimbo la Amhara. Kulingana na Addis Ababa, shughuli hizi zinataka kuisambaratisha Ethiopia. Tuhuma rasmi, iliyotolewa katika barua iliyotumwa kwa Katibu Mkuu wa Umoja wa Mataifa Antonio Guterres.
“Madai yasiyo na msingi”
Jibu la Eritrea kwa shirika la habari la AFP: ni “tabia ya uwongo.” Waziri wa Habari wa Eritrea Yemane Gebremeskel amesema kuwa Ethiopia imekuwa ikifanya “kampeni kali ya propaganda kwa miaka miwili, inayolenga kuchochea matarajio yake ya kutojitambua.” TPLF pia imefutilia mbali shutuma hizo na kueleza “wasiwasi kuwa serikali ya shirikisho inaonekana kujiandaa kwa vita vipya katika eneo hilo kutokana na madai yasiyo na msingi.”
Kupata ufikiaji wa bahari
Kwa muda wa miezi kadhaa, Waziri Mkuu wa Ethiopia Abiy Ahmed Ali hajaficha matamanio yake ya kupata njia ya bahari kwa nchi yake. Eritrea inamtuhumu kwa kutamani bandari yake ya Assab na hivi karibuni imehamia karibu na Misri, ambayo pia inadumisha uhusiano mbaya na Ethiopia. Kutokubaliana huku kunaongeza hatari ya mzozo mpya katika Pembe ya Afrika.
Eritrea ilipata uhuru kutoka kwa Ethiopia mwaka 1993 baada ya vita vya muda mrefu. Kisha, kati ya mwaka 1998 na 2000, mzozo wa umwagaji damu—uliyogharimu maisha ya makumi ya maelfu ya watu—uligawanya nchi hizo mbili za Pembe ya Afrika kutokana na mizozo ya mipaka.